Fálase

ADEGA solicita que a Cova de Eirós sexa a primeira en Galicia en ser declarada BIC, polo seu indubidable valor arqueolóxico e por acharse ameazada pola ampliación dunha mina próxima. Esta tarde solicitou a declaración nas dependencias da Dirección Xeral de Patrimonio Cultural da Consellaría de Educación e Cultura. A Asociación sociocultural do Iribio uniuse á petición, o mesmo que distintos persoeiros e expertos, como Felipe Arias, Felipe Senén, Alba Nogueira, Xoán Ramón Vidal Romaní, Aurelia Balseiro ou Antonio Rodríguez Colmenero

Francisco Jorquera cre que "a nacionalización de Bankia será temporal para logo vendela a prezo de saldo". 

Un total de 600.000 persoas viven en Galicia en situación de precariedade económica e preto de 100.000 sofren unha pobreza severa, segundo un informe de Cáritas. 

O Sindicato de Estudantes "emprenderá accións legais" contra La Razón, segundo informe El Economista, logo de que o xornal sinalara varios mozos na súa portada.  

Xornada de loita na sanidade pública. Este xoves 10 de maio haberá concentracións diante dos postos de traballo "para esixirlles aos Gobernos central e autonómico a protección do sistema público de saúde". 

Bankia, a un paso da nacionalización. Segundo informa a Cadena Ser, BFA, matriz da entidade, vai pedir ao Estado que convirta en accións os 4.500 millóns que inxectou en 2010 o FROB.

Rajoy anuncia que a reforma que se aprobará o vindeiro venres levará aos bancos a vender inmobles a prezo de mercado e solucionará boa parte dos problemas económicos de España.

O Supremo mantén na cadea a Arnaldo Otegi, pero rebaixa a pena a seis anos e medio ao non consideralo dirixente dun grupo terrorista. 

A RAG agradece a "todos os grupos políticos galegos" con representación en Madrid que loitasen para que o seu orzamento fose aumentado polo Estado e fai "unha mención especial para o partido do Goberno e para Núñez Feijóo" pola súa "xestión enérxica e eficaz" diante do Ministerio

O Ibex precipítase por baixo dos 6.800 puntos por primeira vez desde a crise, logo de caer un 3,45%. Mentres, a prima de risco segue disparada.