El Diario lembra que o crowdfunding, que leva máis de dous anos crecendo en España, aínda non dispón dunha lexislación específica que o regule. Alemaña, Reino Unido, Bélxica ou Francia xa avanzaron plans para a súa regulación e Italia xa ten unha lexislación específica.
Fálase
Apple lanzará os iPhone 5S e 5C o 20 de setembro nos EEUU. Finalmente descarta lanzar un modelo de baixo custe e o iPhone 5C terá un custe de 600 euros libre e 99 con contrato. O novo sistema operativo iOS 7 poderase descargar o 18 de setembro
Este 11 de setembro, Diada nacional de Catalunya, a Cadena Ser publica unha enquisa que afirma que o 52% dos cataláns está a favor da independencia e o 24% está en contra. E o 80% dos cataláns quere que se celebre un referendo. A mesma sondaxe sitúa a ERC como a primeira forza política, por diante de CiU. Ciutadans e ICV superarían a PSC e PP.
Celébranse concentracións contra a intervención militar en Siria convocadas pola Coordinadora Galega pola Paz en varias cidades de Galicia. Na foto, a da Coruña. Imaxe de @eucoruna.
Sousa pide "perdón" aos accionistas de Pescanova e solicita aos conselleiros saíntes que non se presenten á reelección.
Esquerda Unida denuncia o gasto de 56 millóns de euros no túnel do Parrote e a Mariña na Coruña, "mentres 1200 familias traballadoras coruñesas teñen que recorrer á Cruz Vermella para que os seus rapaces teñan material escolar".
Declarado o nivel 1 no incendio do monte Pedroso, en Compostela, pola súa proximidade ao núcleo de poboación da Cova (foto: @javisuarez__)
O alcalde de Pontevedra, Miguel Anxo Fernández Lores (BNG), ironiza con que explicará as vantaxes da "relaxing tapa de calamares in the Leña Square" durante a súa presenza en Munich para presentar, nun certame internacional, o modelo peonil impulsado polo Concello. Cóntao Pontevedra Viva.
O director do FROB confirma no Congreso que pechará a venda de NCG este mes: "está practicamente finalizado o proceso de análise previa á toma da decisión sobre o inicio do posible proceso competitivo, que se prevé poida iniciarse os últimas días do presente mes de setembro".
El Diario analiza as razóns que levaron á prima de risco española a caer por debaixo da italiana por primeira vez nos últimos meses.