Louzán chama "provocador nato" ao voceiro dos afectados polas preferentes do Rosal. O presidente da Deputación de Pontevedra di nunha entrevista en EFE que Xulio Vicente "non quere recuperar os cartos", senón "desgastar os dirixentes do PP".
Fálase
A Policía Autonómica libera sete cabalos con pexas nos montes de Mondoñedo e Abadín. Abren expediente sancionador contra os propietarios por maltrato animal a través dunha práctica que leva tempo sendo denunciada por varios colectivos.
Corea do Norte declárase "en estado de guerra" con Corea do Sur. Así o asegura un comunicado do Partido dos Traballadores e do Goberno de Pyongyang.
Este venres Praza non se actualizará por descanso dos traballadores. Volvemos o sábado!
O filósofo Giorgio Agamben afirma nunha entrevista no xornal arxentino La Nación que "En Europa asistimos a un baleiramento da democracia"
Manuel González, tesoureiro e candidato a presidir a Real Academia Galega, afirma que o "ideal" sería conseguir unha candidatura "única". Aposta por manter a "independencia" da RAG e por "seguir a liña iniciada por Xosé Ramón Barreiro e continuada por Méndez Ferrín", para acadar "unha maior visibilidade na sociedade".
Conde Roa declarará a petición propia este venres pola Operación Manga. O ex alcalde compostelán está imputado por presuntos delictos de prevaricación, tráfico de influencias e suborno.
O portavoz do BNG no Concello da Coruña, Xosé Manuel Carril, non será imputado no xuízo de faltas aberto polo desaloxo de Aurelia Rey. Carril aparece citado no atestado policial, o mesmo que o concelleiro de EU Cesar Santiso, e decidira autodenunciarse.
Stop Desahucios de Biscaia anuncia que realizará escraches nos vindeiros días contra o presidente do PP vasco, Antonio Basagoiti, e o deputado Leopoldo Barreda.
Xesús Alonso Montero presentará oficialmente a súa candidatura á Presidencia da RAG o vindeiro luns 1 de abril. Ás 12.30 horas ofrecerá unha rolda de prensa.