As construtoras realizan as probas de carga da ampliación da ponte de Rande en pleno temporal. Estas probas, que recolle Faro de Vigo, foron realizadas a pasada noite co visto e prace do Ministerio de Fomento. Audasa acelerou o remate destes carrís adicionais para poder cobrar máis peaxe por eles dende o 1 de xaneiro. Está previsto que as obras sexan inauguradas por Rajoy a fin de semana.
O Goberno de Rajoy expulsa seis partidos do pacto antixihadista por non o asinaren e seren só observadores. Cóntao eldiario.es
O Deportivo abre expediente a unha das súas xogadoras pola publicación no seu Instagram "dunha 'historia' de festa cunhas amigas e o texto "celebrando a vitoria do Celta" no derbi do pasado sábado, no que o primeiro equipo masculino caeu por 1-3 fronte aos vigueses. O club coruñés informou ao respecto neste comunicado.
VÍDEO | #ABancadaEnPé: A Federación Galega de Balonmán anima con este vídeo a participación das seleccións galegas infantís, cadetes e xuvenís no Campionato de Seleccións Territoriais que se celebra do 2 ao 7 de xaneiro en Vigo e Pontevedra.
O marisco, de comida de pobres a exquisitez de ricos. O xornal El Progreso percorre nesta reportaxe a mudanza do papel do marisco nas mesas galegas durante o pasado século
O rei rebaixou o ton cara ao independentismo catalán na súa mensaxe de Nadal, pero esixiu "responsabilidade" aos gobernantes de Catalunya
Praza non se actualizará este 25 de Nadal por descanso da redacción. Volvemos o martes 26. Pero tedes moreas de novas, reportaxes e entrevistas para ler na nosa portada!
Os e as maiores galegas son as segundas que máis pagan en España pola axuda a domicilio. Achegan 157 euros, o 45% do custo total o servizo, duplicando a media de todo o Estado. En Galicia hai 120.000 persoas anciás que viven soas.
O reconto do voto exterior das eleccións ao Parlamento de Cataluña dálle ao PP un escano máis (fica con 4) a custa de Ciudadanos (queda en 36).
La Opinión entrevista Xulio Ferreiro, alcalde da Coruña, que destaca que "o único problema que ten o PP con que Proxecto Cárcere leve a xestión da antiga prisión provincial é que non se lle deu o equipamento a algún construtor amigo deles para que se forrase"
