Entidades políticas e sociais catalás únense para apoiar a Carme Forcadell, presidenta do Parlament, que hoxe declara como investigada por permitir un debate sobre a autodeterminación que o Tribunal Constitucional esixira prohibir. Cóntao Catalunya Plural
O director de Informe Semanal acusa o Consello de Informativos de TVE de "usar a linguaxe de ETA" por se referir ao "cesamento da violencia" da banda.
O Supremo arquiva a causa contra o ex-ministro Fernández Díaz por conspirar contra rivais políticos. Apóiase nun informe da Fiscalía que debulla eldiario.es
A Xunta amplía o negocio do xogo ás apostas en todo tipo de bares e locais. Detállao Faro de Vigo. Nos últimos anos o Goberno galego mudou a normativa para permitir abrir máis casinos.
A CRUE forza o reitor da Universidad Rey Juan Carlos a dimitir como vogal polos seus repetidos plaxios, revelados nas últimas semanas por varios medios de comunicación.
O pleno de Santiago aproba, cos votos de Compostela Aberta e BNG, a constitución da Comisión Técnica que abrirá o proceso para remunicipalizar o servizo da ORA e o guindastre
Uxía, Xabier Díaz e Guillerme Fernández clausuran este xoves o Ano Manuel María co concerto A música amorosa das palabras no Teatro Colón da Coruña, ás 20:00 con entrada de balde
Irmandade, eleccións, alburgada, porcoril, populismo e xenofobia; candidatas a seren a Palabra do Ano 2016 no Portal das Palabras da RAG. A votación estará aberta ata o vindeiro día 22 e pódese participar dende esta ligazón
A Ronda da Muralla de Lugo terá a velocidade limitada a 30 quilómetros por hora e un carril con preferencia para bicicletas. Así o vén de anunciar a alcaldesa lucense, Lara Méndez, que sitúa o inicio das mudanzas tras o Nadal. O Concello da cidade ten en marcha un proxecto para facilitar o uso da bici.
Louzán acóllese ao seu dereito a non declarar ante a xuíza De Lara por descoñecer a documentación do caso Cóndor. Á súa chegada aos xulgados o ex-presidente da Deputación de Pontevedra asegurou non ter constancia de recibir agasallos de Monbus polos que a maxistrada decidiu imputalo, segundo recolle El Progreso
