O Consello de Europa advirte do "excesivo uso da forza" das forzas de seguridade españolas en manifestacións e protestas. Recólleo Público.es
Fálase
O Colectivo Carta por la Ciencia cualifica de "insuficiente" o incremento do orzamento para I+D nos Presupostos Xerais do Estado e denuncia o mantemento do límite do 10% na taxa de reposición de persoal. Propón a celebración dunha xornada de loito pola ciencia o vindeiro 17 de outubro, con concentracións silenciosas en toda España
Procesado o delegado da Xunta en Ourense, Rogelio Martínez, por presunta malversación de fondos. Cóntao El País.
El Confidencial analiza os movementos de Isidre Fainé, presidente de La Caixa, para facerse con Novagalicia Banco. A entidade catalá promete agora que manterá a galeguidade e a independencia do banco
O Festival Sinsal presentou hoxe a súa programación para este outono en Vigo e Compostela, na que destacan os concertos de Sam Amidon e Anna Calvi na cidade olívica, e o de Youth Lagoon en Santiago.
A empresa privada que xestiona o aparcadoiro do hospital de Lugo esíxelle 600.000 euros ao Concello porque, ao permitir aparcar no entorno do complexo, lle resta clientela. O estacionamento no HULA é de pagamento por decisión da Xunta. En El Progreso
A deputada galega do PP Ana Belén Vázquez considera "repugnante" que unhas mulleres "protesten cos peitos ao aire". El Diario recolle as reaccións dos conservadores á protesta de Femen.
Martin Karplus, Michael Levitt e Arieh Warshel son os gañadores do Premio Nobel de Química por sentar as bases, nos anos setenta, dos potentes modelos informáticos que permiten comprender e predicir os sistemas químicos complexos
O presidente da Plataforma de Afectados pola Hipoteca en Pontevedra intenta suicidarse. Leva dous anos buscando solucionar coa súa entidade financeira dúas hipotecas pendentes, da súa vivenda e da súa clínica de psicoloxía. O home, de 70 anos, está ingresado no hospital de Montecelo, consciente.
Joaquín Rodríguez reflexiona sobre "por que non mercamos libros" á vista dos datos do informe Skills outlook 2013 da OCDE, que afirma que un 66,6% da poboación adulta española (entre 16 e 65 anos) "presenta serios problemas de comprensión lectora". Rodríguez pregúntase: "a alguén pódelle chocar que en 2011 o gasto medio na compra de libros non de texto fose de 22,2 euros?" e "alguén cre que todo isto ten que ver coa pirataría?"