Morre Emilio Botín, presidente do Banco Santander, segundo lle vén de comunicar o banco á CNMV
Fálase
-
O Goberno español deportará unha persoa a Nixeria aínda que alí se están a rexistrar casos de ébola. O servizo europeo de fronteiras suspendeu o seus voos con ese país. Cóntao El Diario
Sete mil persoas suman en Galicia un patrimonio de máis de 30.000 millóns, segundo un informe da Axencia Tributaria que recolle Faro de Vigo
Pemex aclara que Barreras non ten garantida a construción dos seus novos buques tanques, que xa foran anunciados para o estaleiro vigués. Terá que participar nun concurso público, como no caso dos floteis, segundo conta La Voz
O alcalde do Barco adxudicou varios servizos municipais sen contrato, segundo publica El País
Ana Botella non se presentará ás eleccións locais de 2015. A alcaldesa de Madrid vén de anunciar que non será a candidata do PP na capital de España.
O deputado Jon Iñarritu sinala que a Policía tomou nota dos deputados e deputadas que se concentraron este martes ante o Congreso para apoiar o dereito de autodeterminación de Catalunya
A comparecencia de Rueda sobre violencia machista torna nun agre debate no que o Goberno e o PP negaron os recortes económicos neste ámbito e a oposición lles reprochou avalar leis contrarias á igualdade. A información, hoxe en Praza.
Deputados de BNG, ERC, CiU, ICV, PNV e Amaiur apoian ante o Congreso a manifestación da Diada que pretende formar unha xigantesca V nas rúas de Barcelona. O número de inscricións para a mobilización supera xa o medio millón.
O PP tomba a iniciativa coa que o BNG reclamaba que persoas non electas non poidan acceder ás corporacións municipais e aos gobernos locais, como aconteceu en Santiago. A posición conservadora foi defendida por Paula Prado, que lle achaca un "pucheirazo" á oposición por querer "desgastar" o Goberno galego. Durante a intervención de Prado o grupo de AGE abandonou o hemiciclo.