Arnaldo Otegi saíu xa do cárcere de Logroño no que levaba preso 6 anos. Nas súas primeiras declaracións subliñou que a expectación pola súa saída acredita que tivo a condición de "preso político". "Encarceráronnos por facer unha aposta pola paz", di. (Imaxe tirada da retransmisión de Naiz.eus).
Un rótulo no tren sinistrado en Angrois indica que o seu peso era maior ao certificado, como veñen denunciando as vítimas do accidente. Esta indicación contradí o indicado polos peritos da Xunta.
Pablo Iglesias repartirá o tempo de intervención na investidura proporcionalmente con En Marea e En Comú Podem. Cóntao eldiario.es
A Comisión Europea confirma que recorre a sentenza que o pasado decembro tombou o tax lease. O departamento de Competencia que antes dirixía Almunia (PSOE) agora está encabezado pola socio-liberal danesa Margrethe Vestager
O líder abertzale Arnaldo Otegi sae este martes de prisión tras 6 anos. A revista Luzes entrevistouno recentemente
Arquivada a parte do caso Patos referente a supostos enchufes no Concello de Pontevedra
O voceiro de Ciudadanos no Congreso apela aos "cojones" do seu partido para xustificar a súa "españolidad".
Pedro Sánchez afronta a investidura convencido da dificultade de evitar novas eleccións. En Marea desbotou nas últimas horas apoialo tras considerar demasiado xeral e inconcreta a súa nova oferta.
O exdeputado Javier Escribano retírase da pugna pola presidencia do PP da Coruña, pero di ser o "vencedor moral" do congreso, que se celebra a vindeira fin de semana. Cóntao Europa Press.
A Real Filharmonía de Galicia conmemora este luns o seu 20º aniversario cun concerto de obras de Bach baixo a dirección de Helmuth Rilling no Auditorio de Galicia. O recital poderá ser seguido ao vivo a través desta ligazón.
