Certo é que na manifestación non se deixou de cantar en ningún momento: dende o "Aínda que se molle, o galego non encolle" até o "Vai para o carallo, sen galego e sen traballo". Pero a música de verdade chegou xa na Praza da Quintana, onde Uxía e Sés interpretaron dúas cancións que ficaron como un dos momentos máis lembrados na marcha. E onde as gaitas foron quentando o ambiente mentres a xente ía ateigando a Praza. Antes, Uxía afirmara que non é que chovera, senón que "mexan por nós" e defendeu o ensino do galego na escola.