A causa é declarada complexa e a instrución poderase ampliar até 18 meses. O Ministerio Fiscal entende que a documentación achegada non é suficiente e require máis datos para "comprobar a legalidade da constitución das comisións de coordinación e da percepción de dietas de asistencia"
O BNG únese á moción da marea local para que se elimine a comisión semellante á que a Xustiza investiga en Valga e pola que ten que declarar o goberno local. PP e PSOE aprobaron a creación destas xuntanzas co voto en contra de Bloque, Somos e a concelleira que agora asiste a ela.
Somos Cabanas denuncia xuntanzas dos edís do goberno "nunha situación similar ás comisións de coordinación" pola que é investigado o executivo do municipio pontevedrés. Ameaza con acudir á Fiscalía e denuncia que supoñen 30.000 euros ao ano e non son certificadas por ningún funcionario.
A administración local solicita comparecer como prexudicado e a maxistrada advírtelle que o rexedor non pode ser o representante ao ser un dos imputados. A Fiscalía decidirá agora se declara complexa unha causa que investiga presuntas dietas irregulares cobradas polo goberno durante anos.
O municipio de Valga incorporou en decembro o último secretario municipal, 'fichado' hai anos polo goberno de Conde Roa en Compostela en condicións irregulares, segundo o TSXG. O interventor que acaba de marchar declarará como testemuña no caso das comisións de coordinación.
O pleno, co apoio de PP e independentes, incrementou de 60 a 150 euros os pagos pola asistencia ás polémicas comisións de coordinación tras a moción de censura. O executivo noiés gastou máis de 56.000 euros nas 45 xuntanzas celebradas en dez meses, 27 delas extraordinarias
As polémicas comisións de coordinación -polas que teñen que declarar sete edís do PP- están vixentes en diversos concellos. A oposición neses municipios xa solicitou datos duns pagos que consideran "innecesarios" ou "soldos encubertos" e sobre unhas xuntanzas das non hai información.
A xustiza investiga estas reunións e xa chamou a declarar a sete concelleiros do PP, que cobran 60 euros pola asistencia a un órgano limitado aos edís do goberno.
Sete dos nove concelleiros populares no municipio, incluído o alcalde, declararán polos cobros das polémicas comisións de coordinación, vixentes desde hai 25 anos e restrinxidas aos edís do executivo. Supoñen máis de 15.000 euros anuais e o PSdG advirte que "non están amparadas pola lei".
A xustiza cita a declarar como investigados a concelleiros populares e o alcalde no marco da investigación polo pago con fondos públicos da asistencia a unhas comisións de coordinación presuntamente ilegais, instauradas desde hai 25 anos e nas que se terían gastado uns 400.000 euros.
A denuncia por malversación presentada polo PSdeG-PSOE foi admitida a trámite polo xulgado de primeira instancia. Alcalde e concelleiros populares poderían ter cobrado de forma ilegal milleiros de euros das arcas municipais dende o ano 1991.