O Parador de Baiona cortará o seu piñeiral, afectado pola procesionaria

Península de Monte Boi co Parador de Baiona e o piñeiral afectado CC-BY-NC-SA Plan de Ordenación do Litoral

O bosque de pinos, que ocupa máis de dúas hectáreas, está afectado nun 75% e a empresa estatal solicitou permiso para repoboalo con carballos

O Parador de Baiona, emprazado no interior da fortaleza de Monterreal que ocupa a península de Monte Boi, vén de anunciar que vai cortar o piñeiral que acollen as súas murallas. A empresa estatal informa de que o 75% das árbores dese bosque de algo máis de dúas hectáreas están gravemente afectadas pola praga da eiruga procesionaria e que xa obtivo permiso tanto de Medio Rural como de Patrimonio, por ser o espazo un Ben de Interese Cultural (BIC) para realizar a corta.

Paradores anuncia tamén a súa intención de repoboar a zona con carballos autóctonos para buscar unha maior adaptación ao medio e evitar futuras pragas, actuación que aínda está pendente de Patrimonio. 

Vista da península de Monte Boi co Parador de Baiona e o piñeiral afectado CC-BY-NC-SA Plan de Ordenación do Litoral

Grazas ás socias e socios editamos un xornal plural

As socias e socios de Praza.gal son esenciais para editarmos cada día un xornal plural. Dende moi pouco a túa achega económica pode axudarnos a soster e ampliar a nosa redacción e, así, a contarmos máis, mellor e sen cancelas.