O Festival de Cans pechou esta fin de semana a súa edición número 19 cun éxito de publico e unha elevada calidade dos traballos presentados. Foi unha edición de regreso á normalidade, despois de dous anos marcados pola pandemia de COVID-19. Rompente, de Eloy Domínguez, en ficción, Tatuado nos ollos levamos o pouso, de Diana Toucedo, en Furacáns e As pétalas murmuran, de Arantxa Ramos, en Novas Camadas, fixéronse co Premio do Xurado á Mellor Curtametraxe.
Rompente, de Eloy Domínguez, en ficción, Tatuado nos ollos levamos o pouso, de Diana Toucedo, en Furacáns e As pétalas murmuran, de Arantxa Ramos, en Novas Camadas, fixéronse co Premio do Xurado á Mellor Curtametraxe
Ademais, o xurado outorgou o premio á Mellor Dirección a Lois Patiño e Matías Piñeiro por Sycorax, que fixo dobrete e tamén acadou o Premio á Mellor Fotografía. O actor vigués Santi Prego fíxose co galardón ao Mellor Actor pola súa actuación en Devoradora de nenos. O premio á Mellor Actriz foi para Violeta Gil Así vendrá la noche. O galardón á Mellor Fotografía recaeu en Mauro Herce, por Sycorax e o Mellor Guión levouno o realizador de Marín Ángel Santos por Así vendrá la noche. Outros dos galardóns desta noite foron para a banda sonora orixinal de Sauerdogs, composta por Zeltia Montes.
Finalmente, Reaction, a curta de animación de David Fidalgo, recibiu a mención especial do xurado. Así mesmo, o xurado dos veciños outorgou o seu premio ao western Sauerdogs, do director vigués Guillermo de Oliveira e La entrega valeulle a Pedro Díaz o Premio do Público.
Unha das seccións máis destacadas do festival é a de Novas Camadas, pois amosa os traballos da xeración máis nova de creadores e creadoras de Galicia, grazas ao patrocinio de Deleite. Dende o martes, todas estas pezas poderán verse en Vinte completamente de balde
Unha das seccións máis destacadas do festival é a de Novas Camadas, pois amosa os traballos da xeración máis nova de creadores e creadoras de Galicia, grazas ao patrocinio de Deleite. Na sección competiron curtametraxes de directores e directoras saídas dos centros de Audiovisual e Belas Artes do país. Dende este martes todas estas pezas poderán verse en VINTE completamente de balde. Iso si, cada curta estará dispoñible unicamente durante 24 horas dende a súa estrea.
- Martes 24. A casa dos avós (Candela Conde)
- Mércores 25. A moza da bufanda vermella (Martín Caínzos)
- Xoves 26. Papá, mamá, por que? (Lucía González)
- Venres 27. Welcome to Gardenland (Aarón Pérez Pardiñas)
- Luns 30. Respirar (Miriam Bello e Miriam Canicoba)
- Martes 31. El asesinato de R. Sánchez por el cobarde de Heidi Chester (Gabriel Rey)
- Mércores 1. Miradas (Sandra Gutiérrez)
- Xoves 2. As pétalas murmuran (Arantxa Ramos)
O Festival de Cans pechou esta fin de semana a súa edición número 19 cun éxito de publico e unha elevada calidade dos traballos presentados. Foi unha edición de regreso á normalidade, despois de dous anos marcados pola pandemia de COVID-19
Un dos triunfadores desta edición foi o realizador Eloy Domínguez, que o ano pasado gañara o can de pedra por Os Corpos na sección Furacáns, de curtas de non ficción, e que neste 2022 triunfou na de Ficción con Rompente. O xurado destacou a capacidade de enunciar unha realidade desde a limpeza da mirada desta obra, que viña de recibir o premio á mellor curtametraxe no Festival de Málaga.
De igual xeito, Diana Toucedo, galega residente en Barcelona e directora da premiada longametraxe Trinta Lumes, conseguiu o premio para a súa curtametraxe Tatuado nos ollos levamos o Pouso. Esta curta, que retrata o traballo das mariscadoras de Cesantes, á beira da illa de San Simón, foi valorada “pola cadencia das imaxes e o ritmo que imprime o deseño sonoro, aportando unha visión singular e poética sobre o traballo das mariscadoras”.
