Despece

• A Cidade dos Muchachos

  A Cidade dos Muchachos de Bemposta foi un proxecto único, unha experiencia de mellora da sociedade coas artes e o circo no centro da proposta. Foi fundada no ano 1956 a partir dunha idea do Padre Silva. Sitúase no sur do concello de Ourense, á beira do lugar de Seixalbo, como unha cidade á beira e dentro doutra cidade ao mesmo tempo.

  Foi fundada no ano 1956 a partir dunha idea do Padre Silva. Sitúase no sur do concello de Ourense, á beira do lugar de Seixalbo, como unha cidade á beira e dentro doutra cidade ao mesmo tempo

  A poboación de Bemposta foi variando co tempo, pero situábase por norma xeral arredor das 150 persoas, principalmente mozas e mozos, e cun gran número de nenos. A cantidade de persoas que pasaba por alí era maior, debido ao movemento xerado polas actividades que se impartían, así como as visitas á súa canle de televisión. En Bemposta ensaiouse un modelo de convivencia pensando nos nenos e nenas, con sistema de autogoberno e incluso un banco con moeda propia: as coroas. Durante o franquismo pódese dicir que en certa maneira Bemposta era outro mundo, con eleccións internas e onde non existía a propiedade privda.

  O modelo tiña catro prioridades: a harmonía do cidadán, a educación, o traballo (“aprender a pensar coas mans”) e a formación artística, da que resulta o circo. O circo chegou en 1966, froito da escola que se creou dous anos antes, que foi a primeira en España e a segunda no mundo.

  A Cidade dos Muchachos de Ourense foi a primeira doutras que virían despois: tres cidades en Colombia: Bogotá, Villavicencio e Montería; as de La Guaira e Caracas en Venezuela; e en Bolivia Cochabamba. Ademais, embaixadas en La Guajira en Colombia, Kobe en Xapón, New Jersey en EE.UU. e dúas máis en Nicaragua e Mozambique. Todas elas son exemplos da proxección daquela idea que empezou a formarse en Ourense a metade do século XX.

  A Cidade dos Muchachos de Ourense foi a primeira doutras que virían despois: tres cidades en Colombia: Bogotá, Villavicencio e Montería; as de La Guaira e Caracas en Venezuela; e en Bolivia Cochabamba

  En setembro do pasado ans falecía o Padre Silva, vivamente recordado e homenaxeado en Ourense. Porén, nos seus últimos anos viviu entre sucesivas confrontación xudiciais, tanto con algúns dos mestres que impartían aulas na escola, así coma algúns residentes, coma sobre todo coa Xunta e o Concello en loita pola titularidade dos terreos. Algúns proxectos pretendían a construción dunha urbanización de 250 vivendas, mentres que as administracións querían trasladar o estadio de fútbol do Couto a este espazo.