Os I Premios da Industria Musical de Galicia entregaron os seus galardóns este xoves, 27 de novembro nunha gala celebrada na Sala Capitol de Santiago
Os I Premios da Industria Musical de Galicia entregaron os seus galardóns este xoves, 27 de novembro nunha gala celebrada na Sala Capitol de Santiago. Os premios están organizados pola Asociación Galega de Empresas Musicais (AGEM), co apoio da Xunta de Galicia, a través da Axencia Galega das Industrias Culturais (Agadic), e da Deputación da Coruña.
A pontevedresa Tamara García Romero foi a presentadora encargada de conducir o encontro e anunciar ás persoas e ás iniciativas premiadas, entre todas e todos os e as finalistas alí presentes. Finalmente, Señora DJ foi a encargada de poñerse aos pratos para animar coa súa pinchada o peche da velada.
Entre os gañadores e gañadoras nas diferentes categorías están profesionais que forman parte dos equipos que rodean e fan realidade algúns dos proxectos musicais do país máis destacados da actualidade, como Mondra, Tanxugueiras, The Rapants, Guadi Galego, De Ninghures ou Fillas de Cassandra.
Houbo dous premios elixidos pola Xunta Directiva de AGEM, para o artista do ano (Carlos Ares) e a persoa do ano no mundo da música (Francisco Gómez ‘Gandy’). Finalmente, escolleuse por votación popular o evento que destacou pola súa excelencia na experiencia do público (Surfing the Lérez)
O xurado profesional, que escolleu os gañadores e gañadoras de 14 das 17 categorías, estivo integrado Anxela Baltar, música, produtora e comunicadora; Cecilia Carballido, produtora cultural; María Baqueiro, consultora de sustentabilidade; Noel Miguélez, divulgador musical; os xornalistas musicais Tito Lesende e Javier Becerra; e a Fundación Paideia.
A maiores, houbo dous premios elixidos pola Xunta Directiva de AGEM, para o artista do ano (Carlos Ares) e a persoa do ano no mundo da música (Francisco Gómez ‘Gandy’). Finalmente, escolleuse por votación popular o evento que destacou pola súa excelencia na experiencia do público (Surfing the Lérez).
Gañadores e gañadoras dos I Premios da Industria Musical de Galicia
Escollidos por un xurado profesional:
- Mellor deseño de iluminación: Teresa Tresandí, por DILUVIO, de Tanxugueiras.
- Mellor implementación de son: Iago Blanco, por La máquina del buen rollo, de The Rapants.
- Mellor empresa provedora de servizos: Vacaline.
- Mellor profesional de produción: Xabi Carnota.
- Mellor manager: Kin Martínez.
- Mellor produción discográfica: Juan de Dios, por Feira, de De Ninghures.
- Mellor posta en escena: Marina Oural e Ugia Pedreira, da Oficina Galega de Outros Asuntos do Movemento, por Síntese horizonte, de Guadi Galego.
- Mellor promotor/a-programador/a: Julio Gómez e Luis Campos, de Sinsalaudio.
- Mellor proxecto de comunicación: Bring the Noise, polo Resurrection Fest Estrella Galicia.
- Mellor identidade visual: Lara Caeiro, Sandra Montero, Noemí Solla, Kika V Ramil, Arantxa Brandón e Fillas de Cassandra por Hibernarse, de Fillas de Cassandra.
- Mellor videoclip: Santi Iglesias, Sergio “Steel” e Fillas de Cassandra, por Hibernarse, de Fillas de Cassandra.
- Mellor evento cultural / musical: Surfing the Lérez.
- Mellor espazo musical: Sala Capitol.
- Mellor proxecto de sustentabilidade: Festival de la Luz.
Escollidos pola Xunta Directiva de AGEM:
- Artista do ano: Carlos Ares.
- Persoa do ano: Francisco Gómez ‘Gandy’.
Escollido por votación popular:
- Excelencia na experiencia do público: Surfing the Lérez.
