Unha ducia de fotografías de Ruth Matilda Anderson en Galicia

A pasada semana a Hispanic Society of America  anunciou a posta a disposición do público, na rede e de forma libre, de milleiros de fotografías tiradas por Ruth Matilda Anderson nas súas viaxes pola Península Ibérica. A investigadora percorreu Galicia entre 1924 e 1926 durante 18 meses, realizando unhas 5.000 fotografías que retratan principalmente a vida rural e, sobre todo, as mulleres e os seus traballos. Tamén a infancia. Durante un século a maior parte deste traballo foi inaccesible, ata agora. Velaquí unha pequena mostra desta valiosa colección propiedade da Hispanic Society of America. E si, son ben máis dunha ducia. Pero é que é moi difícil escoller.