Unha ducia de mudanzas na costa galega na última década vistas dende o aire
A finais de 2006 a Xunta bipartita vetou temporalmente calquera nova construción nos primeiros 500 metros da costa. Fíxoo de xeito cautelar mentres ordenaba que se podería construír e onde a través do Plan de Ordenación do Litoral, para o que en 2008 se realizaron varios voos que tiraron fotografías oblicuas de toda a costa galega. Dez anos despois esas imaxes permiten comprobar como cambiou o litoral neste tempo, fundamentalmente con novas grandes infraestruturas.
-
01Ribadeo
En 2008 estaba a ampliarse a Ponte dos Santos sobre a ría de Ribadeo no marco da construción da A-8.
-
02Barreiros
A protección do litoral chegou tarde a Barreiros, onde en 2008 xa estaban a medio construír milleiros de novas vivendas de xeito disperso que pouco antes o bipartito ordenara deter.
-
03Loiba
En 2008 Loiba, en Ortigueira, xa tiña algunhas das mellores paisaxes do mundo malia non haber banco no que sentar.
-
04Porto Exterior de Ferrol
En 2008 o Porto Exterior de Ferrol, planificado antes que o da Coruña, tiña os seus traballos de construción notablemente avanzados. Hoxe aínda carece de acceso ferroviario.
-
05Porto Exterior da Coruña
En 2008 o Porto Exterior da Coruña aínda se atopaba na fase construtiva de movemento de terras.
-
06Noia
En 2008 estaba previsto que a circunvalación de Noia se realizase por terra dando así servizo a varias parroquias, pero posteriormente o PP cambiou o proxecto por unha polémica ponte sobre a ría inaugurada en 2014 que remata xunto ao porto e a praia do Testal.
-
07Desembocadura do Ulla
En 2008 aínda non se comezara a executar o gran viaduto do AVE sobre o Ulla inaugurado, co resto do Eixo Atlántico, en 2015.
-
08Arcade
Co vello paso de Pontesampaio ao fondo, en 2008 aínda se estaba comezando a executar a nova ponte para o AVE en Arcade que se sumou á da estrada nacional e a do ferrocarril vello, hoxe sen uso.
-
09Rande
En 2008 a ponte de Rande aínda estaba lonxe de presentar a súa figura actual, cos seus novos carrís exteriores inaugurados o pasado decembro.
-
10Teis
En 2008 a vella Escola de Transmisións e Electrónica da Armada (ETEA) en Teis xa estaba pechada, pero o muro que a separaba da praia da Punta aínda seguiría en pe un par de anos máis ata que a veciñanza conseguiu o seu propósito de que fose derrubado.
-
11Vigo
En 2008 o peirao do Areal en Vigo aínda non fora ampliado co novo e polémico recheo
-
12Cíes
Pouco antes de que se tirasen as fotos para o Plan do Litoral viña de ser derrubado con explosivos o monolito de homenaxe a Franco que existía nas illas Cíes xunto ao peirao da praia de Rodas, que daquela aínda non fóra ampliado.