Praza Pública

Unha ducia de músicas a descubrir no Womex 2016

Hai moitas músicas no mundo pero están todas neste. Unha grande parte delas estarán en Compostela no Womex 2016, un evento que en moitos sentidos ultrapasa o carácter de etiquetas concretas porque o mundo, polo menos na música, é unha continua combinación de sons.

 

 

  1. 01

    Faada Freddy

    Cantar a capella, vestir como un dandy e ser activista. Son tres características do senegalés Faada Freddy. Formou parte do grupo Daara J.  Xoves, 20, na Quintana.

  2. 02

    Maïa Barouh

    Francesa e xaponesa, está muller canta seguindo unha técnica particular do sur do Xapón, que se mestura con música electrónica. Xoves, 20. Na Quintana.

  3. 03

    New York Gipsy King All Star

    India, balcánica, grega, turca son músicas presentes no repertorio desta banda asentada en New York  e que naceu nun pequeno club de jazz. Xoves, 20. Na Quintana.

  4. 04

    Bixiga 70

    Se a escena musical brasileira é intensa en variada, esta banda podería ser a máquina de combinar todas as músicas: afrofunk, malinké guineano, dub árabe, candomblé brasileiro, samba, cumbia carimbó, e cantos brasileiros, e o que faga falta… Venres, 21. Na Quintana.

  5. 05

    Dudu Tassa & The kuwaitis

    Con 13 anos publicou o seu primeiro disco. Medrou no Tel Aviv dos oitenta, pero a súa familia é de orixe iraquí. Canta en árabe e hebreo e mestura instrumentos tradicionais co Irak’an’roll. Venres, 21. A Quintana

  6. 06

    Xabier Díaz e as Adufeiras do salitre

    Música popular recuperada para ser cantada con elegancia e sen retórica. O adufe en primeira liña de escenario. Teatro Principal. Venres, 21.

  7. 07

    La Negra

    Flamenca sen límites Amparo Velasco mestura as súas raíces con toda a música que leva escoitado. Venres, 21. A Quintana

  8. 08

    Radio Cos

    Latas de pementón, pandeiros, pandeiretas danlle unha parte da enerxía desta banda que explora as profundidades da tradición musical galega para cantar, para tocar e para bailar. Sábado, 22. A Quintana.

  9. 09

    United Vibrations

    Entre o ska e o punk, por aí anda esta banda que declara entre as súas influencias a Coltrane ou Wheater Report. Sábado, 22. A Quintana.

  10. 10

    NARF & Timbila Muzimba

    Entre Maputo e Santiago de Compostela. Entre a música pop e as raíces africanas. Este é un proxecto de Narf e Timbila Muzimba, un grupo de mozos mozambincanos que pretenden preservar a etnia Machopi á que pertencen. Teatro Principal. Sábado, 22.

  11. 11

    The American Epic: Out Of The Many, The One

    As primeiras gravacións sonoras cambiaron a maneira en que os nortemaricanos entendían a súa cultura. Este documental recupera material de arquivos dese proceso. Museo das Peregrinacións. Sábado, 22.