Unha ducia de 'sterrato' (corredoiras) para os ciclistas de O Gran Camiño

Acceso ao primeiro treito

A derradeira etapa de O Gran Camiño entra no Camiño Portugués nas proximidades do Pazo do Faramello, no límite sur do concello de Teo. Medio quilómetro antes de comezar a terra propiamente dita do primeiro treito de sterrato a carreira meterase xa nunha pista (mal) asfaltada en pendente. Os seguintes 6 quilómetros, entre eles os 2 quilómetros de terra repartidos en tres treitos, son especialmente complexos. [Aquí a xeolocalización da imaxe en Google Maps]

Corredoiras antes da terra

Tras a primeira pendente que se inicia nas proximidades do Pazo do Faramello un xiro de 90 graos á esquerda con aínda máis pendente mete a carreira por unha corredoira entre muros e vivendas de pedra tradicionais. [Xeolocalización da imaxe]

Primeiro treito de algo máis de 500 metros

Pasadas as vivendas a carreira entra na terra propiamente dita, cun treito de pouco máis de 500 metros. [Xeolocalización da imaxe]

Subidas e baixadas

Este primeiro treito de terra é o máis corto e o único que combina subidas e baixadas, o que pode aumentar notablemente a velocidade. [Xeolocalización da imaxe]

Distintos tipos de terra...

Os treitos de terra veñen de ser arranxados para a carreira, pero non se pode desbotar a presenza dalgunha pedra solta que pode poñer en risco as rodas das bicicletas. [Xeolocalización da imaxe]

...e pedras

Non é a París-Roubaix, pero o primeiro treito remata cunha curva pronunciada á esquerda en baixada e uns últimos metros de pedra. Pero o asfalto que hai a continuación non dará repouso porque serán 500 metros de subida ao 7%. [Xeolocalización da imaxe]

Enlace entre o primeiro e o segundo treito

Rematada a subida, entre o primeiro e o segundo treito de terra a ruta estréitase entre vivendas das que se sae cunha curva de 90 graos á esquerda a carón das vías do tren (tras a barreira que se vé ao fondo da imaxe), que hai que superar xusto a continuación cun novo xiro aínda máis pechado á dereita. Neste enlace entre o primeiro e o segundo treito de terra apenas hai dous treitos que sumen 300 metros rectos e co asfalto en bo estado. [Xeolocalización da imaxe]

Fochancas e pedregullo

A pista de acceso ao segundo treito de terra cóllese cun xiro de 90 graos con fochancas e pedregullo. [Xeolocalización da imaxe]

Segundo treito de 650 metros

O segundo treito propiamente dito, duns 650 metros e 4% de desnivel, comeza nun cruce de 90 graos á esquerda novamente con pedras, coas que tamén remata este treito novamente con outro cruce de 90 graos. [Xeolocalización da imaxe]

Corredoiras

Os ciclistas pasarán por onde a diario peregrinan a Santiago centos de persoas seguindo o Camiño Portugués. [Xeolocalización da imaxe]

Entre árbores

Neste segundo treito de terra o recorrido pasa literalmente entre as árbores. [Xeolocalización da imaxe]

Enlace entre o segundo e o terceiro treito

Mesmo en zonas que a organización non considera sterrato as pistas asfaltadas presentan un estado que as fai moi técnicas, como se ve nesta imaxe entre o segundo e o terceiro treito de terra propiamente dita. [Xeolocalización da imaxe]

Terceiro treito de 900 metros

O terceiro treito de terra, pendente aínda de arranxo cando se tiraron estas imaxes unha semana antes de que pasen os ciclistas, ten uns 900 metros de lonxitude e é o máis esixente pola súa pendente, de preto do 5%. [Xeolocalización da imaxe]

E se chove?

A chuvia pode facer aínda máis complexo rodar por este terceiro treito de terra. [Xeolocalización da imaxe]

Pendente final

Este terceiro treito de terra remata cunha pendente final cun xiro de case 180 graos antes de retomar o asfalto a só 6 quilómetros da liña de meta.  [Xeolocalización da imaxe]

A etapa