Unha ducia de praias para non bañarse, haxa ou non coronavirus

Máis alá do debate sobre como organizar as praias fronte ao coronavirus, hai que ter en conta que a seguridade sanitaria xa non está garantida para o baño en varios areais galegos, haxa ou non persoas contaxiadas. O Sergas analiza periodicamente a calidade das augas de baño nas praias costeiras e fluviais de Galicia e realiza unha clasificación en función da súa situación nos últimos anos. Tras cinco tempadas consecutivas ofrecendo unha calidade insuficiente, para este 2020 a Xunta estableceu a prohibición permanente do baño nun total de 15 praias marítimas dunha ducia de concellos, que repasamos.