Unha ducia de vídeos da terceira edición de Youtubeir@s
Este venres coñecemos os gañadores e gañadoras da terceira edición de Youtubeir@s, o certame de creación de vídeos que busca fomentar o uso do galego na rede, no que este ano participaron 252 pezas, inscritas nun total de nove categorías. O 53% dos e das creadoras, procedentes de todo o país, teñen menos de 30 anos
-
01
A palabra máis fermosa do galego
Axóuxere? Afouteza? Luscofusco? Temos que decidir cal é a palabra máis fermosa do galego. E que pasa se fabricamos unha nova palabra cos fonemas que máis se repiten nas vosas listaxes? O vídeo de aquel -e foi unha das pezas da categoría de vídeo-facermos
-
02
Como se forma un cantil
Xacobo de Toro explica como se forma un cantil a partir do exemplo de Santa Mariña de Augas Santas (Praia das Catedrais). Video da categoría de vídeo-opinarmos
-
03
Malaxente
MJ Pérez fixo esta versión de 'Malamente' para celebrar o #DíaDeRosalía. De Rosalía a Rosalía, na categoría de vídeo-cantarmos.
-
04
OrientaConsello. O posto de ordenanza
Paula Fernández, de Down Compostela, explica e describe as características do posto de ordenanza na canle de OrientaConsello, de Down Galicia. Vídeo finalista na categoría de calidade lingüística.
-
05
Cativos na cociña
Antonio, un meco do Ghrove nacido en Lima, é o protagonista da canle Cativos na cociña, na que ensina a cociñar un polbo, unhas filloas, mexillóns ou sardiñas. A canle foi finalista nas categorías de creatividade e calidade técnica.
-
06
Flow do Toxo
Flow do toxo foi un dos vídeos finalistas na categoría de proposta youtubeira
-
07
O radon: malos modais para un gas nobre
Aaron Vilariño tivo varios vídeos entre os finalistas, dous deles na categoría de creatividade, e un no de video-facermos, como este
-
08
A substitución lingüística
Olaxonmario debulla neste vídeo o concepto da 'substitución lingüística', nunha peza finalista na categoría de proposta youtubeira.
-
09
O Queimaserebros
'O Queimaserebros', de Blanca e Tinta, foi outro dos vídeos finalistas na categoría de Vídeo-Cantarmos.
-
10
21 días improvisando
Este vídeo de A Rabela amosou a súa habilidade para facer estilo libre de rap durante 21 días, e foi un dos finalistas na categoría de Calidade Lingüística.
-
11
Os Novos: Quero fugir
Aaron Vilariño realizou este vídeo, finalista na categoría de Calidade Técnica
-
12
Que nos pille rebolando
Aquel-e foi finalista na categoría de mellor canle. E con este vídeo tamén estivo entre os mellores na categoría de calidade técnica