Este martes a Xunta deu luz verde ambiental ao proxecto para unha galería de investigación xeolóxica no lugar no que se instalará esta central hidráulica reversible, a maior de toda Europa, con 1.800 MW de potencia

Este martes a Xunta deu luz verde ambiental ao proxecto para unha galería de investigación xeolóxica para o lugar no que se prevé situar o complexo subterráneo do aproveitamento hidroeléctrico Conso II, en Vilariño de Conso. O Goberno galego abre así o camiño para a futura central de acumulación por bombeo impulsada por Iberdrola, que contará con 1.800 MW de potencia, o que a situará ao mesmo nivel que a maior central deste tipo, en funcionamento en Francia. As obras terán unha duración de dous anos.

A central de bombeo Conso II é só un dos varios proxectos deste tipo en marcha actualmente en Galicia. Nos vindeiros anos ata unha decena de centrais de bombeo poderían entrar en funcionamento no territorio galego, sempre e cando se vaian aprobando as solicitudes presentadas ata agora. 

As centrais de bombeo, tamén coñecidas como hidroeléctricas reversibles, están formadas por dous encoros situados a diferente altura e aproveitan a enerxía producida pola auga que moven entre un e outro depósito. Funcionan como grandes almacéns de enerxía, empregando excedentes de electricidade

Na actualidade xa funcionan en Galicia tres centrais de bombeo: a de Conso (no río Camba, en Vilariño de Conso, cunha potencia de 228.000 kW), a de Soutelo (no río Cenza, tamén en Vilariño de Conso, cunha potencia de 81.600 kW) e a Ponte-Bibei (no río Bibei, en Manzaneda, con 71.000 kW de potencia).

As centrais de bombeo, tamén coñecidas como hidroeléctricas reversibles, están formadas por dous encoros situados a diferente altura e aproveitan a enerxía producida pola auga que moven entre un e outro depósito. En realidade, funcionan como grandes almacéns de enerxía, empregando os excedentes de electricidade que se producen no sistema -principalmente en momentos de moita xeración renovable e baixo consumo- para encher os depósitos, normalmente bombeando auga dende un nivel inferior (outro encoro ou un río). Deste xeito, o encoro superior pode dispor de auga para cando necesite producir electricidade, cun custo económico e de enerxía moi reducido.

A central de bombeo Conso II é só un dos varios proxectos deste tipo en marcha actualmente en Galicia. Nos vindeiros anos ata unha decena de centrais de bombeo poderían entrar en funcionamento no territorio galego, sempre e cando se vaian aprobando as solicitudes presentadas ata agora

A Consellaría de Medio Ambiente autoriza unha galería de investigación xeolóxica co obxectivo de "ampliar o coñecemento xeolócxco e xeotécnico do macizo onde se situará o complexo subterráneo". Este tipo de investigacións, mediante galería, son imprescindibles nos proxectos que implican grandes escavacións subterráneas, coma este, sinalándose que neste caso existen "elevadas incertezas xeolóxicas identificadas na análise das campañas de investigación e das modelizaciones numéricas levadas a cabo para o cálculo e deseño de solucións técnicas viables", o que fai necesario este traballo de prospección.

No informe de impacto ambiental aprobado pola Dirección Xeral de Calidade Ambiental e Sostibilidade, sinálase que "non son previsibles efectos adversos significativos sobre o medio ambiente e, polo tanto, non se considera necesario someter o proxecto a avaliación de impacto ambiental ordinaria, aínda que se emite sen prexuízo da obriga do promotor de obter todas as autorizacións, licenzas, permisos ou informes que resulten legalmente exixibles".

Ademais do proxecto de Iberdrola en Conso, hai unha ducia de proxectos en tramitación, aínda que non todas se completarán, pois nalgún caso dúas propostas optan á concesión para a instalación da central no mesmo lugar. En conxunto, as solicitudes presentadas suman máis de catro mil megavatios de potencia, unha cifra superior á actual potencia hidroeléctrica instalada en Galicia, que rolda os 3.700 megavatios.

En conxunto, as solicitudes presentadas suman máis de catro mil megavatios de potencia, unha cifra superior á actual potencia hidroeléctrica instalada en Galicia, que rolda os 3.700 megavatios

Na provincia da Coruña hai solicitudes presentadas para a construción de centrais de bombeo nos encoros das Pontes e Meirama, en ambos os dous casos por duplicado. Tamén no encoro Barrié da Maza, no río Tambre, igualmente con dúas propostas distintas. E no de Santa Uxía, no Xallas.

O resto dos proxectos sitúanse na provincia de Ourense. Ademais do de Iberdrola en Conso, hai propostas para o encoro de Castrelo de Miño, no río Miño en Frieira, no encoro de Belesar nos Peares e tamén na Veiga, no encoro de Prada. 

Algunhas das grandes empresas do sector eléctrico no Estado, como Iberdrola ou Naturgy, optan a poñer en marcha estas instalacións, pero nas solicitudes hai tamén propostas da portuguesa EDP -en alianza con Reganosa-, e de compañías como Xeal, Tasga, Magtel, Navitas Energía ou Capital Energy.

45 centrais de gran tamaño e 113 minicentrais

As novas centrais de bombeo uniranse á actual rede de centrais hidráulicas existente en Galicia, formada por unhas 45 centrais de gran tamaño, que suman unha potencia instalada total de 3.400 mW, e tamén por 113 minicentrais hidroeléctricas, cunha potencia conxunta de máis de 309 mW.