Galicia e os nazis. Este é o centro da trama da nova novela de Xabier Quiroga, Izan o da saca. Aínda que, ao lado deste, agroman os temas que sempre lle interesan a este autor. O intento de comprender o pasado e, con el, o presente. O poder e o xeito no que esmaga aos de abaixo.
Un recital de textos de Pereiro abre na Coruña o ciclo 'Historias de almanaque', que homenaxeará figuras culturais ligadas á cidade
Este domingo o seu director, Dani de la Torre, presentará o filme ante o público no Teatro Rosalía de Castro, onde responderá as preguntas dos e das asistente e relatará as mellores anécdotas da rodaxe
A memoria non oficial da ditatura portuguesa. A aculturación que se impuxo no Congo, expresada na perda das danzas da infancia. O baile liberador das mulleres formiga, todo o día traballando. A nai e a bebé que atopan, si, o xeito de estar xuntas nun país que lles nega ese dereito. A experiencia doutra nai nova que constrúe intimidade co espectador. Sen nada que agochar. O corpo que constrúe o espazo e o tempo. A natureza que se invoca. A animalidade que se explora. A corrección que se escorrenta. Así foi a segunda semana do festival Escenas do cambio. O cotián que revela o político.
ENTREVISTA "A Man gustar pintar círculos e construír esculturas... Cada un ser libre de vivir como máis guste. Non haber regras para que cousas sexan dun xeito nin tampouco doutro. A meta de todos: ser felices na medida do posible, iso ser verdadeira harmonía". Así explica Man, o Alemán de Camelle, a súa arte e o seu xeito de vivir nunha entrevista que lle fan en O viaxeiro radical, a novela na que Xerardo Quintiá reivindica a súa memoria. A dun home que escolleu ser libre.
ENTREVISTA Di Aurora Marco que aprendera de Carvalho Calero a seguir dous criterios. Valorizar o propio e deitar luz sobre as figuras menos relevantes, máis anónimas e ignoradas. Sobre eles, e sobre o traballo de investigación que realiza desde os 80, érguese a súa nova obra, Elas.
Cal é o potencial de violencia incorporado en cada individuo e que prezo debe pagar o colectivo para o control dos demais? É a pregunta lanzada por Arkadi Zaides no seu Arquive, un dos espectáculos que puideron verse nos primeiros días do festival de teatro, danza e arte en acción Escenas do cambio. Cuestión pertinente para comprender, tamén, Europa na casa de Rimini Protokoll ou Tijuana de Lagartijas Tiradas al Sol.
ENTREVISTA "Estirpe de sombras, como antes foi Máquina de Guerra, quere ser iso, un croquis da miña realidade, do meu pensamento, da miña experiencia, e que busca ser lido de forma non estática senón que mova, que produza, que sirva para destruír ou para construír algo, pero que non deixe indiferente". Iso di a poeta ourensá Raida Rodríguez sobre os seus dous libros publicados, dos que falamos nesta entrevista.
ENTREVISTA O Teatro Principal de Santiago vén de acoller a estrea do documental O Espantallo Amigo, protagonizado por Xosé Neira Vilas e dirixido por Carlos Seijo, da produtora Maxina. Este traballo audiovisual, un dos últimos realizados polo escritor, achégase á súa biografía e personalidade a través dunha entrevista e da recreación animada do seu relato O espantallo amigo. Neira Vilas responde ás preguntas dunha rmoza da súa zona natal, facendo un percorrido pola súa andaina vital e literaria.
O músico compostelán Adrián Costa vén de presentar na Capitol Sexercise, o álbum que vén de gravar coa súa banda americana The Criers. Falamos con el deste disco e da súa traxectoria.
A amizade, e a unión que pode agromar da creatividade compartida, como acubillo no medio da represión, da violencia extrema. Diso fala Palabras malditas, a nova obra de Teatro do Noroeste, que vén de estrearse no Teatro Rosalía da Coruña.
A forza das mulleres. De Galiza, de Guiné e de todo o mundo. Foi un dos eixes do Cantos na Maré deste ano, que xuntou a Thaïs Morell, Karyna Gomes, Jorge Palma, Alceu Valença, Uxía e Narf.