Un avión cae, na II Guerra Mundial, na fronteira entre Galiza e Portugal. Un contrabandista aproveita para arrepañar o que pode, sen saber da importancia do que leva. Así comeza Por que as sombras non teñen ollos (Xerais), de Luís García Mañá. Entrevista de Montse Dopico.
Non hai visións idealizadoras no tratamento do mundo rural de Manuel Iglesias Turnes en Que non te aten (Xerais). Protagonizada por mozos que viven da gandería, amosa os mesmos conflitos que poderían ter outras persoas da súa mesma idade en calquera outro lugar do (Primeiro) mundo.
Unha exposición sobre o traballo pictórico do autor e a obra 'Que comerá o rei?', de Cándido Pazó, botan a andar a conmemoración do político, escritor e artista rianxeiro, homenaxeado hoxe no Día das Artes Galegas. As deputacións lucense e pontevedresa impulsan unha ampla programación.
Este venres comeza Terra Máxica, un programa que ofrecerá espectáculos en Allariz, A Rúa, Baños de Molgas, Barbadás, Verín e Viana do Bolo, organizado por estas localidades para "suplir eivas na política cultural que administracións superiores non dan ou queren abranguer".
O teatro galego celebra a súa gran festa no Teatro Rosalía da Coruña. "Pedimos que a TVG, pola súa propia saúde -dixo- dedique o máximo esforzo en esixir da profesión teatral a máxima dedicación e excelencia no seu traballo", di a AAAG.
O Teatro Rosalía da Coruña acolle o vindeiro mércores a entrega dos premios do teatro galego, que chegan á súa vixésima edición cunha gala conducida por Chévere.
Non hai, na nova obra de Chévere, Eroski Paraíso, un discurso político moi elaborado. Nin moi central. Non é, nese sentido, como Citizen ou Eurozone. A compañía compostelá olla, desta volta, a xente anónima dunha vila galega. E con ela, a transformación do rural nas últimas décadas. As relacións entre xeracións. O desarraigo vital. A vida que nos leva, e que non se escolle tanto como ás veces se pensa.
A ciencia. A igualdade de xénero. O poder e a súa relación coa manipulación. Son algúns dos alicerces da literatura de Marilar Aleixandre, que é, por segunda vez, candidata a membro numerario da Real Academia Galega.
Evelyn, unha estudante de belas artes, irrompe na vida monótona de Adán, un mozo tímido e inseguro que, impresionado polo interese dela, amósase disposto a transformarse a si mesmo por gustarlle. Así comeza A Forma das Cousas, dirixida por Carlos Álvarez Ossorio.
O Teatro Colón da Coruña acolle o vindeiro día 18 a estrea da adaptación da obra de Neil Laboute, adaptada e dirixida por Carlos Álvares-Ossorio e protagonizada por Sara Casasnovas, Victoria Pérez e Machi Salgado.
Xosé Constenla vén de presentar o seu novo disco, Virada por avante, na Casa das Crechas, en Santiago. O músico compostelán vira de rumbo mentres segue aprendendo. Desta volta, quixo achegarse ao folk-rock americano.
O traballo da actriz Aitana Sánchez Gijón na Medea de Teatro de la Ciudad, que estivo na Mostra de Teatro Clásico de Lugo, engádelle matices a esta personaxe que a o achegan ao texto de Eurípides, que debuxa unha muller máis racional que a tracexada por Séneca.