ENTREVISTA Unha muller que quere rebelarse contra unha vida imposta máis pola convención social e cultural que polos seus propios desexos e as súas decisións. Así é a protagonista de O rebumbio dos vagalumes, (Laiovento), a primeira novela de Alberte Santos.
Implicadas no Desenvolvemento celebrou en Compostela o Implícate 2016!, que apelou ao compromiso co Sur sen paternalismos, visións exotizantes nin caridades.
Quen teña escoitado antes a Tatán cantar no CoraSons ou en Maria Fumaça non se vai sorprender. Chapeu, o primeiro disco deste coñecido actor da compañía de monicreques Tanxarina, é a súa voz rota. A súa paixón. O bo humor que ten sempre. E moita variedade de estilos.
Non hai partes da nosa historia, nin críticas a un xeito patrimonial de entender a cultura, nin denuncia social, na nova obra de Pedro Feijoo. E só, tal como el mesmo a define, unha comedia de enredo. Que fará rir a quen lle gusten os chistes de non darlle moito á cabeza.
ENTREVISTA O cineasta José Luis Guerín presenta o sábado 9 de decembro en Numax, en Santiago, a súa última película, La Academia de las Musas, gañadora do Giraldillo de Ouro do Festival de Cine Europeo de Sevilla.
ENTREVISTA Os protagonistas de Os elefantes e Sokúrov, a nova novela de Antón Riveiro Coello, son como unha especie en perigo de extinción que busca na cultura as respostas ás preguntas máis complexas da vida. Iso pensa o seu creador, que os dotou non só de curiosidade e amor polo cine ou pola literatura, senón tamén dunha actitude afouta á hora de resolver os conflitos herdados do pasado. Como en Laura no deserto e en tantas outras das súas novelas.
Xisela Franco chama “cine de proceso” ao tipo de filmes que máis lle gusta facer. Non hai, neles, guión previo. Prefire confiar "neste xeito de lanzarme ao baleiro" e cre que "se nese proceso se dá a maxia dun continuo atopar é porque existe un profundo amor ao cine e ás persoas, á vida". Porque, di ela mesma, o acto de capturar o real é todo un ritual de amor ou amizade. O real está alí e revélase como posibilidade poética.
A nosa literatura infantil e xuvenil está chea de referencias ao Nadal e a figuras tradicionais como o Apalpador ou os Reis. Velaquí unha recompilación das lecturas específicas deste tempo que podemos atopar entre moitas das editoriais galegas.
A amizade de Lorca con Guerra Da Cal e con Blanco-Amor foi decisiva para a escrita e publicación dos 'Seis poemas galegos' asinados polo autor do 'Romancero Gitano', "o produto literario galego de maior éxito do século XX", segundo lembrou o xornalista Joel Gómez no acto en Compostela do 80º aniversario da edición desta obra.
O Museo do Pobo Galego acolle ata o 17 de xaneiro a mostra de fotografía etnográfica 'Galicia máxica. Reportaxe dun mundo desaparecido', escolma do arquivo de imaxes tomadas polo folclorista danés Gustav Henningsen na súa estancia de investigación en Galicia nos anos 60.
Continúa a loita cun festival musical, 'A Casa volve polo Nadal', que xunta este sábado grupos que formaron parte da historia desta institución con bandas novas, nunha xornada de intercambio que reivindica a volta ás dinámicas democráticas e participativas de Benito Losada.
A Asociación de Actores e Actrices de Galicia cumpre 30 anos. Tres décadas nas que a situación do sector mellorou nalgúns aspectos e foi para atrás noutros. Mais nos que se conseguiu, polo menos, visibilizar o traballo dos profesionais e sentar as bases para que se respeiten os seus dereitos laborais. Malia que haxa reivindicacións históricas que seguen sen cumprirse. Vídeo no interior