O PP ataca a formación de grupos de ERC e Democràcia i Llibertat no Senado mentres os facilita no Congreso. O xornalista Fernando Garea explica neste artigo as cesións de escanos e outras flexibilizacións do Regulamento.
Fálase
O ex alcalde de Ourense Manuel Cabezas (PP), citado como investigado -antiga imputación- por non esixir a promotores inmobiliarios cesións de solo con fins públicas. Cóntao Faro de Vigo
As mareas municipalistas abordan este sábado na Estrada as posibles confluencias para as eleccións galegas. A información, hoxe en Praza.
A fabricación de valados de fronteiras é cada vez máis rendible en Europa. Un cento de empresas do sector cítanse en Núremberg en plena expasión do seu negocio pola crise das persoas refuxiadas e o medo ao terrorismo. É unha reportaxe de The Guardian en eldiario.es
Ciudadanos pide ensinar galego nas escolas andaluzas tras esixir a fin do seu rango oficial no Concello de Ferrol
A xuíza da Operación Zeta cita 25 persoas máis como investigadas -antigas imputadas- na trama de presunta fraude de subvencións, entre elas dous cargos da Xunta. Máis información, esta tarde en Praza.
A PAH de Vigo-Tui e Os Ninguéns levarán a cabo o vindeiro luns pola mañá unha concentración diante do edifico dos xulgados de Vigo para esixir solucións á grave situación das varias familias que na cidade están ameazadas de desafiuzamento. O acto está apoiado por outras entidades, coma a Asociación Veciñal de Teis
O presidente da Comisión Europea, Jean-Claude Juncker, pídelle a España que forme "o antes posible" un "goberno estable" e que estea "á altura"
Javier Garcia Echegaray analiza en Politikon posibles causas da elevada temporalidade no mercado laboral español, a segunda máis alta de toda a UE, só detrás de Polonia
O rei recibirá por separado a En Marea, En Comú Podem, Es el moment e Podemos no marco da rolda de consultas para a formación de goberno. Alexandra Fernández e Antón Gómez-Reino acudirán ao Palacio de La Zarzuela o vindeiro mércores, día 20, segundo indica a axenda do xefe do Estado.