O 27 de setembro Pontevedra acolle a primeira sesión do evento Estruming Days, que busca afondar en distintas experiencias e propostas de innovación que se desenvolven na zona rural. Terá continuidade en outubro e novembro. Os seus organizadores destacan que "hai que combinar o ben propio e o ben común respectando a identidade e aproveitando os propios recursos”
O Comité de Empresa da TVG denuncia no blog Eu non manipulo que a televisión pública silenciou as voces críticas coa xestión do Goberno galego do incendio do Monte Pindo.
Feijóo considera un "chiste" os eloxios a Franco que vén lanzando reiteradamente o alcalde de Beade, do PP. Díxoo nun almorzo informativo do que dá conta El País.
Un incendio obriga a desaloxar un colexio na Merca, segundo recolle Europa Press.
A Plataforma Galega en Defensa do Ensino Público convoca folga contra a LOMCE o 24 de outubro e manifestacións para ese día ás 11:30 horas
Angela Merkel rexeita en rolda de prensa gobernar en minoría: "necesitamos un Executivo estable". A Unión CDU-CSU, a cinco escanos da maioría absoluta, buscará o apoio de socialdemócratas ou verdes. Merkel afirma que non mudará a súa política sobre Europa.
PRNoticias analiza os problemas económicos de El Mundo e El País, en situación "de quebra técnica"
Pemex volve atrasar a adxudicación dos floteis, que será finalmente en novembro. Hai xa un ano que a petroleira pechou o encargo con Navantia e Barreras.
José Carlos Díez analiza en Cinco Días o efecto do resultado das eleccións alemás na política europea e conclúe que "Merkel mandou moito até agora en Europa pero mandará moito máis tras as eleccións". Engade que se ben "a campaña centrou a Merkel no debate interno", agora "retomará a súa axenda europea. E se empeza a ruxir acabará a lúa de mel da nosa prima de risco"
Juan Torres recupera no seu blog o artigo difundido en Público esta fin de semana: "Alemaña engánase e engana a Europa". O economista sinala que "os grandes poderes económicos" veñen impulsando "por todos os medios ao seu alcance o desmantelamento da democracia en toda Europa"