O FMI insta a baixar as pensións de xubilación ante "o risco de que a xente viva máis do agardado". En El País.
Fálase
A CIG convoca oito concentracións para rexeitar mañá a aprobación da reforma laboral no Congreso dos Deputados.
- Compostela: Praza de Galicia, 20.00 horas.
- A Coruña: Delegación do Goberno, 20.00 horas.
- Vigo: Farola de Príncipe, 20.00 horas.
- Ourense: Subdelegación do Goberno, 20.00 horas.
- Pontevedra: Subdelegación do Goberno, 20.00 horas.
- Lugo: Subdelegación do Goberno, 20.00 horas.
- Ferrol: Praza do Concello, 19.30 horas.
- Ribeira: Praza do Centenario, 20:00 horas.
Os conselleiros do PP e de CiU no consello de administración de Radio Televisión Española impiden que o órgano directivo do ente público condene a homilía homófoba do bispo de Alcalá emitida en directo por TVE. Cóntao a Cadena SER.
A Mesa pola Normalización Lingüística denuncia que unha candidata a unha posto de traballo na área de Turismo do Concello de Redondela foi advertida de que se realizaba a proba de selección en galego non lle sería corrixida. A "advertencia" di A Mesa, foi lanzada por "un técnico do Padroado de Turismo Rías Baixas, dependente da Deputación de Pontevedra". Cóntano na súa web.
A Bienal de Pontevedra non se celebrará en 2012. Será a primeira vez que non se organice, dende o seu nacemento en 1969.
A décima edición do Festival Sinsal arranca este sábado con ducias de actividades: concertos, faladoiros, obradoiros infantís... Para os vindeiros meses este mércores anunciáronse as actuacións de Destroyer e Julia Holter. Tamén se confirmou que o festival regresa á Illa de San Simón, onde celebrará unha sesión o 24 e 25 de xullo.
Un vídeo amosa unha parte da excepcional arquitectura que Vigo perdeu nas últimas décadas do século XX. A montaxe mostra os edificios desaparecidos inseridos no entorno actual
A canle televisiva Intereconomía terá unha rúa na vila abulense de Mombeltrán "polo seu compromiso coas raíces cristianas" e a "independencia da súa liña editorial", di o alcalde da poboación. En 233 Grados.
A web 1001 medios elabora un retranqueiro recompilatorio de "xeitos de evitar xornalistas incómodos". Abrangue dende "non respondas e dá a volta" ata "manipula en directo mentres te ofendes moito". Manual exprés para evitar xornalistas incómodos
O Goberno central converterá en delito a convocatoria a través de Internet de concentracións ou manifestacións que deriven en violencia. O Ministerio do Interior di ir en contra do "buenismo" xurídico. En RTVE.