O Goberno central converterá en delito a convocatoria a través de Internet de concentracións ou manifestacións que deriven en violencia. O Ministerio do Interior di ir en contra do "buenismo" xurídico. En RTVE.
Fálase
Forte terremoto (8,9 graos na escala Richter) fronte ás costas de Banda Aceh, en Indonesia. Hai alerta de tsunami en varios países do Índico e producíronse xa as primeiras ordes de evacuación nas costas. Na mesma zona un terremoto de magnitude semellante (9,1 graos) provocou a morte de 170 mil persoas en 2004.
Desaloxan da tribuna de convidados do Parlamento a un grupo de persoas afectadas polas preferentes das antigas caixas de aforro. Piden unha xuntanza co presidente da Xunta. A presidenta da Cámara lémbralles que "suspender un pleno pode ser constitutivo de delito"
A prima de risco baixa dos 430 puntos básicos logo da apertura dos mercados europeos e queda en 427. A rendabilidade é do 5,937% tras pechar o martes en case 435 puntos. O Ibex 35 abre en positivo e anótase un 0,24%,
O Goberno aprobará o venres a prohibición de realizar pagos en efectivo de máis de 2.500 euros. A infracción castigarase cunha multa do 25% da cantidade abonada.
Mentres, o Financial Times abre a súa portada falando de que hai cada vez máis temor a que España sexa o cuarto país da UE rescatado, despois de Grecia, Irlanda e Portugal.
A prensa, progresista ou conservadora, analiza de forma ben distinta a actuación de Mariano Rajoy ante o empeoramento da situación económica. La Razón afirma que "Rajoy impone el control", e El Mundo di que "España al borde del abismo y Rajoy 'ni se plantea' reformar las autonomías". Mentres El País salienta que "Rajoy esquiva las preguntas de los periodistas ante el rebrote de la crisis" e El Periódico sentencia: "El agua al cuello. Clamoroso silencio de Rajoy en pleno desconcierto"
Grecia convoca eleccións anticipadas para o 6 de maio. Serán as primeiras dende o comezo da crise en 2009.
Rasquera vota si á plantación de marihuana no referendo celebrado este martes. Porén, os votos favorables (56%) non chegan ao 75% que o alcalde marcara como obxectivo
Aguirre pídelle a Rajoy que pacte co PSOE baleirar o Estado das autonomías. A presidenta da Comunidade de Madrid propón que as Comunidades Autónomas devolvan ao Estado as competencias en educación, sanidade e xustiza e que transportes e servizos sociais pasen aos concellos. Suxire, igualmente, que o bacharelato deixe de ser gratuíto.