Os manifestantes toman a sede presidencial de Ucraína tras dimitir o presidente da Rada Suprema. Confírmase a toma do poder por parte da oposición nunha xornada histórica.
![](https://praza.gal/media/cache/live_image/xornal/uploads/falase/foto/530876318b1ec-yanukovich-jarkov-diputados-regiones-orientales_ediima20140222_0031_4.jpg)
Os manifestantes toman a sede presidencial de Ucraína tras dimitir o presidente da Rada Suprema. Confírmase a toma do poder por parte da oposición nunha xornada histórica.
Un tribunal obriga o Estado a devolver parte da paga extra dos funcionarios. É a primeira sentenza firme contra a Administración estatal, que se une ás que xa deron a razón aos traballadores públicos en Galicia.
Fiscais piden unha "rexeneración moral" aos partidos logo da Pokémon. Demandan máis control e transparencia no uso de cartos públicos.
Beiras decántase por que Anova concorra con EU ás eleccións europeas e aclara que xa hai acordo para que Anova leve cabeza de lista e faga campaña propia en Galicia. Faino nun documento remitido á militancia na que acusa "o obstrucionismo sectario do BNG" de "impedir unha fronte galega".
A camisola coa bandeira galega será a segunda equipación do Deportivo a vindeira tempada. O club aproveita a visita institucional da nova directiva ao presidente da Xunta para presentar a súa nova equipación en homenaxe a Galicia.
ETA dá "o paso previo ao seu desarme completo" tras deixar parte do seu arsenal "fóra de uso operativo". A banda terrorista selou un zulo en presenza dos verificadores internacionais. A BBC difunde un vídeo sobre o desarme parcial do grupo armado.
Arxentina pide a exhumación dunha vítima do franquismo. A xuíza reclama que a Xustiza española recupere o corpo do pai dunha das querelantes da causa contra o franquismo.
Unha rebelión popular contra a privatización da auga mobiliza unha vila de Ciudad Real. Máis de vinte veciños levan días pechados no Concello para pedir un referendo popular nunha protesta que xa lembra a de Gamonal.
Persoal do Meixoeiro de Vigo protesta con paraugas, chuvasqueiros e lentes de mergullador para chamar a atención sobre as pingueiras e filtracións de auga que sofre o edificio e que xa provocaron o peche de múltiplas camas do hospital.
O presidente ucraíno anuncia un acordo coa oposición e a UE para tentar frear os disturbios que onte provocaron ducias de vítimas. A BBC está a seguir os acontecementos ao vivo.