Yolanda Díaz defende a confluencia entre Podemos e IU e censura os críticos nunha entrevista en eldiario.es. A deputada de En Marea cre que a unión "pon contra as cordas os poderes fácticos".
Fálase
-
Galicia crea medio milleiro de empresas ao mes pero o 95% teñen un ou dous socios. Catro de cada dez novas sociedades son bares ou comercios.
Educación aforrou en seis anos 183 millóns coa redución de profesorado. O sindicato ANPE elabora un informe no que denuncia tamén a supresión de axudas do fondo de acción social.
As negociacións de Podemos e IU atáscanse polas listas electorais. O reparto dos postos que aseguran presenza no Congreso son a principal discordia.
UGT-Galicia celebra o seu XII Congreso buscando un sindicato "máis austero, transparente e eficaz". O seu secretario xeral, José Antonio Gómez, será reelixido, iniciando o seu cuarto mandato
Pontón fai un "chamamento a unha candidatura de nación" para o 26-X durante unha visita ao Concello de Lalín. A portavoz e candidata do BNG apela a "todas as forzas que teñen os seus centros de decisión en Galiza, como Anova, CxG, FOGA, PCPG, a unirnos, a ir da man".
Méndez Romeu presenta a súa candidatura ás primarias do PSdeG avalado por Orozco, dirixentes de Vigo e afíns ao exlíder do partido, Pachi Vázquez. Proponse, di, recuperar "os valores do socialismo".
A suma de Podemos, IU e as confluencias supera o PSOE, segundo o CIS. O PP volvería gañar as eleccións pero con menos apoio que en decembro.
Á venda as entradas para o Galicia-Venezuela do vindeiro 20 de maio. Os seleccionadores, Fran e Míchel Salgado, informan arestora da convocatoria da selección galega para o encontro. Toda a información, hoxe en Praza.
Esta é a convocatoria da selección galega de fútbol: Sergio Álvarez (Celta) e Diego Mariño (Levante). Mallo (Celta), Barragán (Valencia), Jonny (Celta), Bergantiños (Depor), Lago (Getafe), Angeliño (City). Trashorras (Rayo), Álex López (Sheffield), Domínguez (Deportivo), Mosquera (Deportivo), Fran Rico (Granada), Denís (Villarreal), Santi Mina (Valencia), Aspas (Celta), Falque (Roma), Lucas (Deportivo), Jota (Eibar) e Joselu (Stoke City).