Fálase de A suma de Pode...

Ir ao máis recente

venres 6, maio 2016 ás 16:04 Miguel Pardo @depunteirolo

A suma de Podemos, IU e as confluencias supera o PSOE, segundo o CIS. O PP volvería gañar as eleccións pero con menos apoio que en decembro.
venres 6, maio 2016 ás 11:49 David Lombao @davidlombao

Á venda as entradas para o Galicia-Venezuela do vindeiro 20 de maio. Os seleccionadores, Fran e Míchel Salgado, informan arestora da convocatoria da selección galega para o encontro. Toda a información, hoxe en Praza.
venres 6, maio 2016 ás 11:47 Miguel Pardo @depunteirolo

Esta é a convocatoria da selección galega de fútbol: Sergio Álvarez (Celta) e Diego Mariño (Levante). Mallo (Celta), Barragán (Valencia), Jonny (Celta), Bergantiños (Depor), Lago (Getafe), Angeliño (City). Trashorras (Rayo), Álex López (Sheffield), Domínguez (Deportivo), Mosquera (Deportivo), Fran Rico (Granada), Denís (Villarreal), Santi Mina (Valencia), Aspas (Celta), Falque (Roma), Lucas (Deportivo), Jota (Eibar) e Joselu (Stoke City).
venres 6, maio 2016 ás 11:41 Miguel Pardo @depunteirolo

Fran e Míchel Salgado son presentados arestora como adestradores da selección galega. Os técnicos avogan por un "Riazor cheo". Máis información, esta mañá en Praza.
venres 6, maio 2016 ás 10:48 Miguel Pardo @depunteirolo

Navantia Ferrol construirá dous novos buques para a Armada australiana. Pecha un contrato de 700 millóns por dous petroleiros de aprovisionamento de case 20.000 toneladas.
venres 6, maio 2016 ás 10:27 Marcos Pérez Pena @marcosperezpena

O 95% das axudas do rescate a Grecia (216.000 millóns de euros) serviu para pagar débedas e intereses aos bancos estranxeiros, segundo un estudo dun centro alemán
venres 6, maio 2016 ás 9:32 Miguel Pardo @depunteirolo

A RAG comparte na web o Vocabulario Castellano-Gallego das Irmandades da Fala, outro dos documentos que a Academia libera en liña co gallo do centenario desta histórica institución.
venres 6, maio 2016 ás 9:25 David Lombao @davidlombao

A trama corrupta de venda de armas coa garantía do Estado español esténdese xa a catro países. Segundo conta a Cadena SER, resta saber quen é a persoa alcumada "el Kin" ou "el Rey" dentro do entramado.
venres 6, maio 2016 ás 9:00 Miguel Pardo @depunteirolo

ERC gañaría as eleccións catalás e CDC podería ser terceira forza a costa de C's. O independentismo perdería dous puntos pero mantería a maioría no Parlament, segundo unha enquisa para El Periódico.
venres 6, maio 2016 ás 8:51 Miguel Pardo @depunteirolo

O nacionalismo logra unha histórica vitoria en Escocia cunha clara maioría e case o 50% dos votos. Plaid Cymru é segunda forza en Gales, onde o fascista UKIP aumenta o seu apoio.