A UE imitará os pactos de España con Marrocos para expulsar masivamente as persoas refuxiadas a Turquía. Explícao Desalambre
Fálase
-
Pablo Iglesias propón a Pablo Echenique como novo secretario de Organización de Podemos. O nomeamento terá que ser ratificado polo Consello Cidadán da formación despois de Semana Santa. Iglesias anuncia "unha nova época en Podemos" e sinala que non cre que "teña que haber pablistas nin carolinistas, errejonistas ou monteristas".
A UE deportará a Turquía as persoas refuxiadas que cheguen a Grecia dende este domingo. As autoridades europeas din que tratarán cada caso de xeito "individual", pero sen aclarar como.
Condenan a Rita Maestre pola protesta estudantil contra a existencia dunha capela católica na Universidade Complutense. A actual voceira do goberno de Madrid terá que pagar unha multa polo que o tribunal considera un delito contra os sentimentos relixiosos.
Carracedo: "A pseudociencia triunfa por unha mala divulgación científica". O catedrático da USC avoga polo traballo conxunto entre xornalistas e científicos na presentación do premio Contar a ciencia, que organizan GCiencia e La Caixa
A bandeira da UE ondeará a media hasta no Pazo de Raxoi durante un mes polo trato ás persoas refuxiadas. Foi un dos acordos unánimes do pleno do Concello de Santiago celebrado este xoves, co que a capital galega se une aos concellos que acordaron xestos simbólicos neste ámbito.
Tres agrupacións galegas desfilan en Nova York no marco do San Patricio. Recolleuno a TVG
Todos os grupos do Congreso agás o PP aproban a proposta de En Marea para coñecer se o parque de drons de Rozas terá usos militares.
Máis do 90% dos abortos practicados en Galicia foron realizados en centros privados. Faro de Vigo recolle os datos.
A UE mantén a súa intención de expulsar as persoas refuxiadas cara a Turquía, pero "individualmente". O cumio continúa este venres coa incógnita da redacción final do acordo.
