A Coordinadora 25S ofrece unha rolda de prensa nestes momentos na que anuncia unha nova concentración nas proximidades do Congreso para as 19 horas desta tarde "ante a escalada de recortes anunciada polo Goberno". E tamén convoca unha manifestación o sábado ás 18 horas. Afirman que o Goberno é "ilexítimo" e piden a súa "destitución para acabar coa espiral de recortes e represión".
Fálase
Mariñeiros galegos afectados polo veto ás capturas en Mauritania veñen de pecharse na sede da Deputación de Pontevedra, segundo confirma a CIG. Reclaman un novo acordo pesqueiro que lles permita regresar ás augas do país magrebí e protestan tamén polo atraso na concesión da axudas, dous meses despois de que tivesen que abandonar o caladoiro.
A policia detén a Fernando Varela, concelleiro de Deportes de Ourense polo BNG, no marco da operación Pokémon. Na pasada lexislatura era o responsable de Seguridade, Bombeiros e Policía Local
El Jueves tamén leva a Mahoma á súa portada no número que publica hoxe. Únese a outras revistas satiricas coma a francesa Charlie Hebdo, que nas últimas semanas reivindicaron deste xeito a liberdade de expresión e denunciaron o fundamentalismo das relixións.
O ministro Fernández Díaz asegura que a Policía actuou "magnificamente". Cre que "algúns manifestantes" usaron "demasiada violencia" nas protestas de Madrid, polo que os axentes "cumpriron co seu deber". As cargas policiais causaron medio cento de feridos, dos que máis de 20 seguen hospitalizados.
Rajoy limitará as xubilacións anticipadas. "A idade de xubilación é razonable en España se se respecta", asegurou o presidente do Goberno no Wall Street Journal, que volve botar balóns fóra sobre a posible petición de rescate.
RTVE destitúe a editora do TD2 pola polémica da Diada na que a masiva manifestación independentista foi relegada á quinta noticia do informativo
Os investigadores e a xuiza Pilar de Lara dispoñen de fotografías e vídeos que proban que Francisco Rodríguez recibiu envios de cartos en metálico como subornos para conseguir contratos.
A convocatoria electoral en Catalunya coa mirada posta na autodeterminación ocupa a portada do Financial Times que fala de que "as eleccións en Catalunya aumentan a presión sobre Madrid". O xornal salienta que os problemas se lle acumulan a Rajoy, que este xoves debe presentar os orzamentos do 2013 ao tempo que Holanda, Alemaña e Finlandia rebaixan as expectativas dunha recapitalización directa da banca española.
A violencia policial que asolou onte Madrid fixo que mesmo un grupo no que se atopaba o deputado de IU Alberto Garzón fose empurrado polos antidisturbios, que rapidamente cambiaron de actitude ao saber a condición de Garzón