A deputada do PP María Faraldo será xulgada por presunta prevaricación na súa etapa como alcaldesa de Betanzos, segundo vén de confirmar o TSXG.
Fálase
As plataformas de emigrantes retornados concentráronse este mércores ante as delegacións de Facenda das cidades e vilas galegas. "Fomos a Suíza a traballar e a traer cartos para aquí, mentres que outros o levan e os amnistían", destacou Manuel Domínguez, voceiro da plataforma compostelá.
Eurodeputadas e eurodeputados de varios grupos do Parlamento europeo, entre elas a galega Lidia Senra, realizaron un acto de protesta contra o plan do Goberno español de recortar o dereito ao aborto.
A galega que logrou mellor nota en selectividade, a mindoniense Patricia Martínez, reivindica a escola pública no acto oficial de recoñecemento das mellores cualificacións
O paro baixa en xuño en 122.684 persoas e queda nunha cifra total de 4.449.701 no conxunto de España, con 56.622 novos afiliados e afiliadas á Seguridade Social, sobre todo en hostelería e comercio. En Galicia o paro descende en 11.134 persoas, até as 252.310.
As plataformas de emigrantes retornados concentraranse este mércores pola mañá ante as delegacións de Facenda das cidades e vilas galegas. Piden unha igualdade de trato fiscal respecto ao resto dos xubilados, que se devolvan as sancións xa cobradas e a revogación dos expedientes xa iniciados.
O 14 de xullo comezará unha folga de recollida do lixo en Compostela, se non hai acordo antes. Traballadores e dirección de Urbaser reuníronse xa en oito ocasións, destacando que as posicións están moi afastadas. En Lugo, despois de 22 días de paro, as negociacións quedaron suspendidas onte tras dúas horas e media de reunión
Pescanova aproba as contas dos tres últimos anos, cunha débeda de 280 millóns. A empresa prioriza a reestruturación das súas filiais para protexer a viabilidade do grupo.
Pedro Sánchez difunde na súa web un programa no que defende o copagamento en función da renda en materia de Sanidade e Educación para retiralo poucas horas despois.
O ex presidente francés Nicolas Sarkozy, imputado por "corrupción activa", despois de declarar durante 18 horas ante policía e xuíz. Está acusado de tráfico de influencias e encubrimento da violación do segredo profesional.
