Hoxe retómase o xuízo da Gürtel coa declaración de Francisco Correa, presunto líder da trama. Existe gran expectación en torno ás súas revelacións, polas posibles incriminacións que traian consigo para suavizar a súa condena.
Fálase
A xestora do PSdeG ultima a proposta de Leiceaga como voceiro no Parlamento. O que fora candidato á Xunta xa avanzara a súa intención de asumir a portavocía.
Alemaña restrinxe as axudas sociais aos cidadáns europeos que leven menos de cinco anos no país. Só poderán acceder ás axudas os comunitarios que traballen, se están parados non terán a protección da administración
En Marea considera a anulación da ordenación urbanística provisional de Ourense "unha mostra máis da desastrosa política urbanística de Núñez Feijóo". Este martes o TSXG anulou a Ordenación Urbanística Provisional aprobada pola Xunta en 2011 para suplir a anulación do PXOM do 2003, por non levar a cabo un proceso de participación pública
A carreira presidencial estadounidense amosa unha crecente fenda de xénero. Mentres que entre os homes Trump supera a Clinton por ao redor de 5 puntos de diferenza, entre as mulleres a marxe en favor da candidata demócrata é de 15 puntos. A polémica producida polo vídeo feito público a pasada semana podería mesmo ampliar esta brecha e xa está facendo que unha parte das líderes políticas republicanas retiren o seu apoio a Trump.
Rajoy baralla o sábado 29 de outubro como data para a súa investidura en segunda votación. A primeira sesión comezaría o mércores 26. Durante os actos oficiais do 12 de outubro, o presidente en funcións non quixo pronunciarse sobre o posible apoio do PSOE a través dunha abstención: "O mellor que podo facer é estar calado".
Compromís valora levar á Fiscalía a retirada do busto de Fraga no Senado, despois de que a súa proposta fose rexeitada este martes pola Mesa da cámara
As ausencias marcan un 12 de outubro pouco concorrido en Madrid. Ao desfile faltaron os presidentes de Cataluña, País Vasco, Galicia, Navarra e Comunidad Valenciana, así coma a alcaldesa da capital e os líderes de Unidos Podemos. Antonio Hernando representou ao PSOE.
A libra perdeu case un 15% do seu valor con respecto ao euro dende o Brexit e achégase á paridade. O 23 de xuño unha libra pagábase a 1,307 euros e hoxe faino a 1,107, sumando nestes últimos meses varios episodios de caídas pronunciadas e unha gran volatilidade.
Chega ás salas de cine Astral, o documental impulsado por Jordi Évole que amosa a traxedia dos milleiros de persoas migrantes que cada ano morren no Mediterráneo. A recadación destinarase á ong Proactiva Open Arms. En Galicia pódese ver na Coruña, Vigo, Santiago, Vilagarcía, Ourense e Viveiro