As ausencias marcan un 12 de outubro pouco concorrido en Madrid. Ao desfile faltaron os presidentes de Cataluña, País Vasco, Galicia, Navarra e Comunidad Valenciana, así coma a alcaldesa da capital e os líderes de Unidos Podemos. Antonio Hernando representou ao PSOE.
A libra perdeu case un 15% do seu valor con respecto ao euro dende o Brexit e achégase á paridade. O 23 de xuño unha libra pagábase a 1,307 euros e hoxe faino a 1,107, sumando nestes últimos meses varios episodios de caídas pronunciadas e unha gran volatilidade.
Chega ás salas de cine Astral, o documental impulsado por Jordi Évole que amosa a traxedia dos milleiros de persoas migrantes que cada ano morren no Mediterráneo. A recadación destinarase á ong Proactiva Open Arms. En Galicia pódese ver na Coruña, Vigo, Santiago, Vilagarcía, Ourense e Viveiro
Un matrimonio de Ponteareas, sen casa dous días despois de ser desafiuzado por erro, pois a vivenda a embargar era outra. A parella non estaba no seu domicilio cando a comisión xudicial cambiou as pechaduras
Galicia consolídase entre as comunidades con maior éxodo de traballadores/as tras subir un 10% en 2015. As contratacións de galegos/as noutras autonomías superaron en 22.500 ás dos e das chegadas de fóra
Tan só un de cada tres votantes do PSOE apoia a abstención na investidura de Rajoy, segundo a enquisa de Celeste Tel que publica Eldiario.es. O 50,3% prefire un 'non', aínda que isto leve a novas eleccións. Con todo, o 53,1% amósase conforme co relevo de Pedro Sánchez
O Colexio Oficial de Psicoloxía outorga o Premio Dolores Llópiz -o seu máximo galardón- á Rede Galega de Loita contra a Pobreza. A entidade recibirá este recoñecemento no marco do encontro Achegas da Psicoloxía, que se celebrará en Ribadeo.
O rei abre unha nova rolda de contactos para a investidura os días 24 e 25. O prazo para a disolución das Cortes remata o 31 de outubro.
O DOG publica os resultados definitivos das eleccións do 25 de setembro e a relación de membros electos do Parlamento. En Praza podes descargar os datos do escrutinio en formato aberto e reutilizable.
O devalo da obra pública en Galicia deriva nunha guerra de ofertas entre construtoras en traballos de importe menor. Recólleo La Opinión