Tan só un de cada tres votantes do PSOE apoia a abstención na investidura de Rajoy, segundo a enquisa de Celeste Tel que publica Eldiario.es. O 50,3% prefire un 'non', aínda que isto leve a novas eleccións. Con todo, o 53,1% amósase conforme co relevo de Pedro Sánchez
O Colexio Oficial de Psicoloxía outorga o Premio Dolores Llópiz -o seu máximo galardón- á Rede Galega de Loita contra a Pobreza. A entidade recibirá este recoñecemento no marco do encontro Achegas da Psicoloxía, que se celebrará en Ribadeo.
O rei abre unha nova rolda de contactos para a investidura os días 24 e 25. O prazo para a disolución das Cortes remata o 31 de outubro.
O DOG publica os resultados definitivos das eleccións do 25 de setembro e a relación de membros electos do Parlamento. En Praza podes descargar os datos do escrutinio en formato aberto e reutilizable.
O devalo da obra pública en Galicia deriva nunha guerra de ofertas entre construtoras en traballos de importe menor. Recólleo La Opinión
A Plataforma Galega en Defensa do Ensino Público reactiva as protestas contra a LOMCE e as reválidas. Veñen de presentar un novo calendario de mobilizacións.
INQUÉRITO O PP medraría ata 152 ou 157 escanos e o PSOE caería por baixo dos 80 nunhas novas xerais. Segundo a enquisa de Celeste-Tel para eldiario.es, Unidos Podemos e as confluencias oscilaría entre 64 e 79, con En Marea repetindo os cinco escanos de xuño.
As empresas Galchimia e AllGenetics reciben os premios Galicia Spin-off, impulsados por GCiencia para distinguir as iniciativas empresariais ligadas á universidade.
CIG-Saúde, SATSE, CSIF e UGT denuncian en rolda de prensa o carácter "fraudulento" das contratacións sucesivas de persoal para cubrir prazas estruturais no SERGAS e exíxenlle ao Goberno galego que "ordene o cadro de persoal e que non derive a responsabilidade aos xulgados", en aplicación das recentes sentenzas neste senso.
O BNG ratifica a Ana Pontón como voceira parlamentaria, con Olalla Rodil na primeira viceportavocía e Montse Prado, na segunda. Así o vén de avanzar a tamén portavoz nacional do Bloque en rolda de prensa.
