A Xunta outórgalle ao CD Lugo a concesión por 10 anos, prorrogables ata 25, do estadio Anxo Carro, no que o equipo lugués vén xogando os seus encontros dende os anos 70. A cambio, o club comprométese a realizar insercións publicitarias de balde da Secretaría Xeral para o Deporte e a cederlle entradas no palco presidencial. As condicións do acordo publícanse hoxe no DOG.
Fálase
La Voz entrevista o xuíz Luís Alaez, encargado da instrución do accidente do Alvia, e que deixa o caso ao trasladarse de xulgado. Afirma que "non recibiu presións políticas, cando menos que eu as sentira"
A Junta de Extremadura entregaralle a cada mozo e moza entre 18 e 30 euros un bono de 32 euros para gastar en produtos culturais.
O Circo de Artesanos da Coruña acolleu na noite deste martes a homenaxe a Domingos Merino, primeiro alcalde elixido democraticamente tras a ditadura. Destacouse que Merino fixo da Coruña "unha referencia de liberdade e un eixo central de Galicia"
Petrologis, unha empresa presidida por Arias Cañete, pagou 240.000 euros para evitarlle un xuízo por homicidio imprudente
Núñez Feijóo foi informado en 2013 dos contratos fraudulentos do alcalde do Porriño. Un particular envioulle ao presidente da Xunta correos electrónicos coa mesma documentación que levou a fiscalía a denunciar o rexedor
Rocío Mosquera designa como asesor un membro do xurado que ascendeu o seu home. O médico que perdeu a praza fronte ao esposo da conselleira impugna o nomeamento
Ás oito deste serán celébrase no Circo de Artesáns da Coruña a homenaxe a Domingos Merino, primeiro alcalde da cidade tras o franquismo. En Praza lembramos eses anos cunha reportaxe: Domingos Merino, A Coruña que puido ser
Rajoy declárase "moi contento" cos datos do paro e ve na EPA unha mostra de que "as cousas van a mellor". En El Diario
As Novas Xeracións do PP lanzan unha campaña para caricaturizar "as alianzas do nacionalismo" nas eleccións europeas. As mocidades do PP formulan argumentos como que o "discurso" de Bildu é "ambiguo coa violencia terrorista", que IU defende a República Española ou que PNV e CiU rexeitan o AVE a Galicia.