Ingresada unha das mulleres que se mantén en folga de fame na Coruña. Unha membro de Ve-la Luz esvaeceuse e caeu polas escaleiras tras máis de dúa semanas de protesta. Seis mulleres manteñen a acción coa que reclaman unha "protección real" para as vítimas da violencia de xénero e os seus fillos.
O Portal Galego da Língua lanza un inquérito para elixir a capa do libro de conversas con Isaac Alonso Estraviz, que recolle un "alargado diálogo" entre o ex presidente da AGAL Bernardo Penabade co profesor e lexicógrafo.
Mario Regueira publica no seu blog, O porto dos escravos, unha reflexión sobre a tradición do Samaín e a escasa base das afirmacións que vinculan a súa orixe no Halloween estadounidense.
O BNG denuncia ante a Secretaría Xeral de Igualdade unha campaña publicitaria do Concello da Coruña con lemas como Antes muerta que sencilla ou La belleza está en el interior del vestidor
A policía detén un militante de Falange polos ataques a varios medios dixitais de esquerda, como infoLibre, Diagonal, Nodo50, Periodismo Humano ou El Plural. Antes de comezar os ataques os medios recibiron un email ameazante: "Falange Española de las JONS está interesada en que dejéis de publicar y por eso me han contratado para dicha tarea. Huele a fuego y a pólvora".
Os prezos baixan por primeira vez desde 2009. O IPC baixa un 0,1% en outubro, segundo o INE e tras a suba do 0,3% do mes anterior.
Arteixo, As Pontes e Ferrol participan na Red Española de Turismo Industrial, que este martes se presentou en Madrid
María José Bravo, delegada da Xunta en Vigo, apoia a suba do canon do lixo e reclámalle ao Concello que pague a Sogama ou a abandone
EEUU acusa os servizos secretos franceses e españois de ser os autores da espionaxe telefónica para entregarllos despois á NSA norteamericana
A empresa que xestiona o teléfono contra a violencia machista despide traballadoras embarazadas. Os sindicatos denuncian condicións laborais precarias