O ex alcalde da Coruña, Francisco Vázquez, e a presidenta da asociación Galicia Bilingüe lerán o vindeiro domingo un manifesto na Coruña e Vigo contra a "agresión á democracia" que, din, supón a consulta catalá. Segundo recolle Europa Press, o acto está promovido por un grupo alcumado Libres e iguales, que vén de publicar un mapa coas persoas que participan nos seus actos.
O CIS sitúa Podemos como a primeira forza en intención directa de voto. O PP seguiría sendo a primeira en estimación de voto, co 27,5%, por diante do PSOE (23,9%) e da formación que lidera Pablo Iglesias (22,5%). O BNG acadaría un 0,4% dos sufraxios, dúas décimas máis que na anterior enquisa de xullo.
Eduard Velasco obtén a XXVII edición do Premio Nacional de Poesía Xosemaría Pérez Parallé. O autor catalán, que recentemente obtivo o premio de poesía Leiras Pulpeiro convocado polo Concello de Mondoñedo, presentou unha obra titulada Ruído de trens
Meteogalicia rexistrou este martes 3.360 lóstregos en todo o país
A traballadora galega que estivo enferma de ébola, Teresa Romero, recibe a alta hospitalaria en Madrid ao estar curada e non supoñer xa "ningún risco" de contaxio.
A Plataforma en Defensa dos Montes do Morrazo esixe a paralización do desdobramento do corredor comarcal, aprobada no Parlamento. A entidade denuncia que o proxecto carece de orzamento e non conta coa súa correspondente avaliación de impacto ambiental
El Diario entrevista Juan López de Uralde e Rosa Martínez, coportavoces de Equo, que a pasada fin de semana celebrou a súa segunda Asemblea Federal. Afirman que "esquecer a crise medioambiental como fan algúns partidos é irresponsable e oportunista"
A Policía Militar adestra soldados para actuar como antidisturbios ante poboación civil, segundo conta Público. Nos exercicios, realizados en Valencia, participaron 200 militares
O fiscal solicita 24 anos de cadea para Jorge Dorribo, líder da trama de corrupción que investiga a operación Campeón. Solicita nove anos para o ex deputado do PP Pablo Cobián e dous para o ex director xeral do Igape.
Unha gran cazolada reclama en Cataluña poder votar o 9-N. O acto de protesta, convocado a través das redes sociais tras a suspensión da consulta por parte do Constitucional, deixouse sentir con forza en varias localidades como Barcelona.