Galicia importa xa máis de 2.000 millóns de euros en peixe ao ano pola falta de frota. Cóntao Faro de Vigo
Fálase
O estaleiro vigués Vulcano tenta evitar o peche formulando un ERE, segundo conta La Voz
De Lara declara complexa a Operación Pulpo para poder así estender a investigación, na que asegura non desbotar novas imputacións. Cóntao El Progreso
A dirección central do PP sitúa o alcalde da Coruña como un dos seus obxectivos na campaña das xerais. Cóntao Faro de Vigo
Rivera ignorou a recomendación do Goberno de España para que non fose a Venezuela, petición que tamén lle formulou Zapatero. Cóntao eldiario.es
Os expresidentes andaluces Chaves e Griñán serán xulgados no caso dos ERE. Ambos veñen de pedir a baixa no PSOE, polo que evitan a expulsión que contemplan os estatutos do partido. Está a contalo eldiario.es
Faro de Vigo sinala que a Comisión Europea valora agora publicar o informe sobre o accidente do Alvia, "ante a presión das vítimas". En todo caso a difusión do documento realizaríase cando concluíse o proceso xudicial aberto, para non "interferir" nel.
Diagonal analiza a importancia para o futuro do TTIP das xuntanzas que o Consello de Europa manterá en xuño. A Comisión Europea pediralles aos líderes de cada país que confirmen o seu apoio ao tratado, despois das últimas filtracións e ante un crecente malestar social.
A pontevedresa Patricia Vilán sería a substituta de Romeu como portavoz do PSOE no Parlamento, segundo informa Faro de Vigo. O ata agora voceiro anunciou onte que abandonaba o posto.
O único debate a 4 da campaña electoral celebrarase o luns 13 de xuño, moderado por xornalistas de RTVE, Atresmedia e Mediaset e difundido polas canles dos tres grupos.