PP, PSOE, UPyD e CiU rexeitan no Congreso pedirlle ao Goberno que demande a Israel danos e prexuízos por destruír o aeroporto de Gaza, que foi financiado con fondos públicos españois. A proposición foi presentada polo BNG e contou co apoio da Esquerda Plural, Amaiur e case todo o Grupo Mixto.
Fálase
Mariñeiros do xeito maniféstanse en Rianxo contra a intención da UE de prohibir a súa arte. A localidade do Barbanza é base da maioría dos xeiteiros de Galicia. Foto de @adolfomuinhos.
Ingresa no Carlos III o pasaxeiro con febre do avión inmobilizado en Barajas. Un contacto de baixo risco coa enferma de ébola tamén foi ingresado no mesmo centro.
Carne Cruda emitirase desde hoxe en Cuac FM. Será todos os xoves entre as 12 e as 14 horas.
Captan gardas civís devolvendo unha persoa a territorio marroquí atada de pes e mans. Recólleo El Diario
Os medios económicos énchense este xoves de análises sobre o risco dunha terceira recesión en Europa en seis anos. Culpan da situación á desrregulación e ás burbullas especulativas, nun escenario de estancamento da economía mundial. As exportacións españolas sofren a súa maior caída en cinco anos e o Ibex-35 segue á baixa, cunha caída do 10% no último mes.
O Tribunal Supremo dá dez días de prazo para que se execute a sentenza do pasado xullo que lle ordena ao Ministerio de Medio Ambiente abrir un expediente de caducidade da concesión de Ence na ría de Pontevedra, que podería estenderse durante varios anos. A entidade Salvemos Pontevedra recorreu aos tribunais hai anos para revisar as concesións na zona marítimo terrestre de Lourizán.
As provincias de Ourense e Pontevedra están hoxe en alerta laranxa por chuvias, segundo informa a Axencia Galega de Emerxencias
O CD Lugo queda eliminado da Copa do Rei tras empatar sen goles ante o Betis e caer 4-5 na quenda de penaltis.
A suma de PSOE, Podemos e IU superaría o PP en escanos no Congreso, segundo unha enquisa que hoxe publica El Diario. O inquérito indica que os conservadores perderían case 50 escanos e os socialistas, uns 20, mentres que a formación de Pablo Iglesias irrompería con entre 42 e 51. O estudo dálle ao BNG entre 1 e dous escanos.