José Luis Baltar viuse obrigado a abandonar a Deputación polas peticións da Fiscalia para que fixese públicos os contratos supostamente fraudulentos, segundo o Faro de Vigo.
Fálase
O rey presionou o editor de La Vanguardia pola súa posición independentista. O monarca tivo unha dura conversa con Javier Godó pouco antes de Noiteboa para lembrarlle a súa condición de "grande de España" e xa semanas antes presionárao a través de Juan Luis Cebrián
Francisco Marhuenda, director de La Razón, cualifica Intereconomía de "grupo infecto de ultradereita". Intereconomía, pola súa banda, acúsao de ter sido apartado do PP por un caso de corrupción.
O presidente do Banco Central Europeo, Mario Draghi, advirte unha “mellora significativa” nos mercados e afasta o rescate para España
CiU e ERC pactan un documento para "facer efectiva a vontade de constituir Catalunya nun novo Estado da UE". Aprobarano no Parlamento o vindeiro 23 de xaneiro.
O 15-M deseña unha caixa de resistencia para loitar contra as identificacións masivas e pagar asi as multas. A comisión Legal de Sol, formada por avogados afins ao movemento, recorreu xa 306 procedementos sancionadores, por un total de 100 mil euros
A Fiscalía Anticorrupción pedirá a imputación de Oriol Pujol (CDC) pola trama de concesións amañadas de ITV. Esta imputación deriva da investigación do caso Campeón na que se atoparon varias conversas do empresario Sergi Alsina, compañeiro de estudos de Oriol Pujol, nas que presumía de poder lograr calquera concesión de ITV que saise a concurso, pola súa relación co secretario de CDC.
Tallin, capital de Estonia, convértese na primeira gran cidade europea con transporte público de balde. Cóntao La Información.
A Xunta de Persoal do Edificio Administrativo da Xunta en Lugo denuncia que tivo coñecemento polo medios de comunicación de que onte houbo unha ameaza de bomba nese lugar. Critica que o Comité de Seguridade non ten a día de hoxe ningunha versión oficial do acontecido
O Deportivo presenta a documentación para solicitar o concurso de acredores. O paso dado esta mañá levantará o embargo de Facenda, pero reducirá a autonomía dos xestores do club.