O Consello da Xunta destitúe a María José Bravo Bosch, delegada en Vigo, imputada na Operación Patos. E a Rogelio Martínez, delegado en Ourense, pendente de ser procesado por delitos de malversación, fraude e prevaricación produto da suposta apropiación de fondos comunitarios cando era alcalde de Arnoia. Son substituídos por Ignacio López-Chavez e Marisol Díaz. Toda a información, esta tarde en Praza.
Fálase
A xornalista bielorrusa Svetlana Alexiévich, Premio Nóbel de Literatura. É a primeira vez que a academia sueca premia o xénero da reportaxe periodística. A obra máis coñecida de Alexiévich trata as consecuencias da traxedia de Chernóbil e dálles voz ás súas vítimas.
Ás 12 horas comezará a debaterse no pleno da Deputación de Lugo a moción de censura presentada por PSdeG-PSOE e BNG e que converterá en presidente ao socialista Darío Campos. Pódese seguir en directo en streaming.
A Deputación da Coruña deteca "infraccións moi graves" nas axudas concedidas a Gerardo Crespo. O goberno provincial dará conta hoxe en pleno do informe de Intervención que solicitar o BNG.
O Concello da Coruña comeza hoxe a aplicar a Lei da Memoria Histórica rodeado da sociedade civil. A praza de Millán Astray pasarase a chamar praza das Atochas este xoves ás 19 horas.
María José Bravo Bosch, delegada da Xunta en Vigo, será cesada este xoves, informa Faro de Vigo. Será substituída polo actual presidente da Autoridade Portuaria de Vigo, Ignacio López-Chaves, un cargo que será ocupado por Enrique López Veiga. Bravo Bosch declarará o mes que vén como imputada na Operación Patos. O delegado en Ourense, Rogelio Martínez, imputado noutro caso por presuntas irregularidades na xestión de fondos europeos, tamén será cesado.
Dimite a executiva local do PSdeG-PSOE na Illa de Arousa por considerarse "ninguneada" pola dirección do partido. Critican a ausencia de representantes do Salnés nas listas para as eleccións xerais.
O portavoz de Facenda do Grupo Socialista, Juan Carlos González Santín, denuncia que Galicia resulta “prexudicada polo trato desigual” nos límites de déficit impostos polas autonomías do PP. Reclamou a reforma do sistema de financiamento para recoñecer o esforzo realizado pola cidadanía e para incorporar as especiais condicións de idade e dispersión poboacional de Galicia.
Ás 12 horas comezará a votación da moción de censura na que se espera que PSdeG-PSOE e BNG recuperen o Goberno da Deputación de Lugo. Toda a información, esta mañá en Praza.
Mobilizacións rexeitan a violencia machista nas principais cidades do país como resposta aos últimos asasinatos
