Alba Tobella analiza no blog Ssociólogos "por que a violencia machista sobrevive na xente moza", á vista dos datos que amosan que unha de cada catro mulleres atendidas nos centros de Igualdade son menores de 25 anos.
Fálase
Galicia e o Norte de Portugal reclaman dende Bruxelas unha liña ferroviaria "decente" que una Vigo co Porto e Lisboa. Recólleo o xornal portugués Público, que tamén subliña que Feijóo evitou facer declaracións ante a prensa.
Monforte asumirá o novo copago farmacéutico e únese así a Riotorto ou Pedrafita, que subvencionarán o pago dos medicamentos para os veciños máis necesitados tras a nova medida imposta polo Goberno central.
Galiza Ano Cero lanza un avance da súa segunda entrevista, que ten como protagonista ao sociólogo Emmanuel Rodríguez
Os grupos só poderán presentar 50 propostas de resolución no debate de política xeral do Parlamento. A redución foi apoiada por PP e AGE e rexeitada por PSdeG e BNG.
François Englert e Peter Higgs recibirán o Premio Nobel de Física pola teoría do Bosón de Higgs, proposta hai cinco décadas, e probada experimentalmente o pasado ano. Materia publica unha liña de tempo que explica o proceso que levou a esta confirmación, con participación galega, e La Información recupera o texto El bosón de Higgs explicado a mi abuela
O Parlamento europeo aproba o protocolo de pesca Mauritania-España que exclúe a flota cefalopodeira galega cunha aplastante maioría (467 votos a favor e 154 en contra). Máis de vinte barcos galegos serán afectados pola medida. Máis información, esta tarde en Praza.
A Fundación Cidadá Civio pon en marcha o proxecto Quién Manda?, que pretende amosar a relación entre o poder político e o poder económico, un mapa do poder en España que busca deitar luz sobre esos vínculos, que se regule o lobbying e que se publiquen as axendas de traballo completas dos cargos públicos.
Investígase a morte dun home en Barcelona tras ser reducido por varios axentes dos Mossos d'Esquadra. Os policías argumentan que o home se mostrou "agresivo" e que se viron obrigados a reducilo, pero veciños cuestionan o relato dos axentes.
O desaloxo de Elisabeth, que estaba previsto para esta mañá, queda momentaneamente paralizado, ante a presión de Stop Desafiuzamentos. As autoridades xudiciais garanten que a expulsión non se realizará nas vindeiras dúas semanas, á espera de achar unha solución para o seu caso.