A Facultade de Ciencias da Educación de Ourense promove un proxecto divulgativo arredor da figura dos afiadores e do filme documental A última viaxe do afiador. O proxecto Achega está dirixido a universidades, institutos colexios, concellos, centros culturais e outros colectivos
As empresas galegas, entre as que máis empregan software libre de toda España, segundo un estudo do Observatorio da Sociedade da Información e a Modernización de Galicia (OSIMGA). Tres de cada catro compañías galegas utiliza programas abertos, 3,4 puntos por riba da media estatal.
A Asociación Nacional de Produtores de Enerxía Fotovoltaica denuncia nunhas xornadas en Lugo o "escándalo" do recorte das primas para as renovables.
Beatriz Martínez, a enferma de cancro que iniciou unha folga de fame, entrega máis 378.000 sinaturas no Congreso dos Deputados para pedir unha meirande protección aos enfermos crónicos. As sinaturas acompañarán unha proposta de lei do BNG.
Detidas seis persoas en Compostela relacionadas cos altercados na manifestación do cerco, segundo informa Europa Press. A operación chega case un mes despois da protesta que acabou en graves enfrontamentos entre policía e manifestantes.
UPyD equipara o nacionalismo catalán con Franco e Le Pen nas horas previas ao debate no Congreso sobre o referendo de autodeterminación que promove o Parlament de Catalunya. Cóntao Europa Press.
O xuíz declara o concurso de acredores en Cerámicas do Castro e Sargadelos. Acumularían impagamentos por máis de 7 millóns de euros.
Seguen a xerar reaccións as valoracións do novo presidente das Novas Xeracións do PP galego sobre a emigración xuvenil. A xuízo de Diego Gago a mocidade ve "con bos ollos" emigrar porque adquire novas experiencias. Recólleo Cadernos de comunicación e análise
A Policía apunta a que Bárcenas herdou de Naseiro a 'caixa b' do PP. Sospeita que parte dos ingresos en Suíza do ex tesoureiro é diñeiro negro do partido.
A corrupción consolídase como a segunda preocupación da cidadanía despois do paro, segundo os datos do barómetro do CIS, que se vén de publicar. A enquisa tamén reflicte unha lixeira mellora das expectativas económicas, cun 21% de persoas que pensan que dentro dun ano a situación será mellor que a actual, fronte a un 23% que opinan que estará peor. En canto á estimación de voto, PP (32,1%) e PSOE (26,6%) seguen á baixa, sumando menos do sesenta por cento dos apoios. IU mantense (11,3%) e crece UPyD (9,2%). O BNG obtería un 0,7%.