Un atentado suicida do EI en Kabul deixa cando menos 61 persoas mortas e 207 feridas
Fálase
-
Yosi (Los Suaves), hospitalizado tras caer do escenario mentres daba un concerto en Santander. A banda ourensá recibirá este domingo a Medalla de Ouro de Galicia
A Confederación de Empresarios de Galicia prevé despedir dúas traballadoras que están de baixa por maternidade. O plan de viabilidade presentado polo seu presidente inclúe 8 despedimentos, dos que 5 se farán efectivos xa este mes.
O incendio que este venres queimou 130 hectáreas en Monterrei, foi declarado como "estabilizado" ás 5.30 desta madrugada.
Hillary Clinton escolle o senador Tim Kaine como candidato á Vicepresidencia. O ex-gobernador de Virxinia pertence ao sector máis conservador do Partido Demócrata, fala español e espérase que lle dispute ao ticket Trump-Pence os votos moderados e de varóns brancos
A policía alemá rexistrou esta mañá unha vivenda en Munich, dentro do operativo derivado do atentado deste venres pola tarde, na que un mozo xermano de 18 anos, de ascendencia iraniana, matou 9 persoas nun centro comercial antes de se suicidar.
A Xunta presenta o deseño da ampliación da súa sede de San Caetano sobre o espazo da actual estación de autobuses de Santiago. Correrá a cargo dos arquitectos Celso López Martín e Jorge Salgado Cortizas, cunha proposta que integra pedra e vexetación e cunha pasarela de cristal para unir o recinto actual co novo edificio.
Dimite a directora da DGT, María Seguí. Interior investiga se o seu departamento beneficiou ao seu marido encargándolle proxectos de investigación.
Antón Pulido pronuncia en Castrelos o bando da tradicional celebración adiantada do Día Nacional de Galicia en Vigo: “A min xa me encanta recordar o que está por vir, o moito e moito que está por vir. Viva Galicia!”, di o pintor.
Absolto o presidente de Batas Blancas en Galicia, José María Borro, que fora suspendido polo Colexio de Médicos da Coruña por denunciar a realización de prácticas médicas irregulares no CHUAC que afectaron á saúde dunha paciente.