Feijóo remítese á Constitución de Cádiz e asegura facer súa a "forza de todos os galegos" para "saír adiante xuntos" co resto do Estado, "onde queremos estar e onde seguiremos estando". "Galicia é máis forte porque é española e europea", abonda.
Fálase
Soraya Sáenz de Santamaría gaba a "transparencia" do Goberno de Alberto Núñez Feijóo, un político "integramente galego" que, na súa opinión, é "un dos mellores representantes da Galicia moderna". Ao interior do Parlamento chega o son da protesta dos afectados polos preferentes.
Feijóo vén de prometer o seu cargo como presidente da Xunta ante a presidenta do Parlamento e a vicepresidenta do Goberno central, Soraya Sáenz de Santamaría.
- Afectados polas preferentes concéntranse ante o Parlamento, onde está a piques de comezar a toma de posesión de Alberto Núñez Feijóo
A Comisión Europea evidencia a súa satisfacción pola non revalorización das pensións en relación ao IPC. En El Diario.
A práctica totalidade da prensa impresa estatal abre as súas edicións deste sábado coa decisión do Goberno central de non revalorizar as pensións en función do IPC. Só algunha cabeceira ideoloxicamente próxima ao PP interpreta que os subsidios de xubilación están a "subir".
Esta mañá Alberto Núñez Feijóo toma posesión como presidente da Xunta por segunda vez. Farao nun acto no Parlamento ao que non asiste Mariano Rajoy, pero si outros líderes estatais do PP, como Soraya Sáenz de Santamaría, Ana Pastor ou Javier Arenas.
O control aéreo do aeroporto de Vigo está privatizado dende onte. Cóntao Faro de Vigo.
Emilio Pérez Touriño cualifica o funcionamento interno do PSdeG de "endogámico e clientelar". "Convertémonos en máquinas de xestionar o poder", di o ex presidente da Xunta nunha entrevista en El País.
Heredeiros da Crus lanzarán novo disco con temas inéditos en 2013. Véñeno de confirmar no Culturgal, onde ofreceron un miniconcerto acústico que congregou a máis de 200 persoas.
