Os Riazor Blues concéntranse para anunciar a súa intención de continuar coa súa actividade. Nun manifesto acusan o consello de administración do Deportivo de "acoso".
Fálase
O Salón do Libro Infantil e Xuvenil de Pontevedra presentou no Culturgal o cartaz da súa 16ª edición, que se celebrará no 27 de febreiro ao 28 de marzo e que estará dedicada á ciencia ficción.
A Garda Civil admite que lanzou pelotas de goma en Ceuta o pasado 6 de febreiro cando os inmigrantes se agrupaban na auga, revela El Diario nunha exclusiva. Ese día 15 persoas morreron afogadas.
CCOO denuncia que o SERGAS contrata menos da metade de persoal que hai tres anos e que, ademais, moitas das contración son "precarias". O sindicato pide o cese da conselleira de Sanidade, Rocío Mosquera.
A Organización Internacional do Traballo denuncia que España é o país desenvolvido no que máis creceu a desigualdade salarial no últimos anos. Sinala que os soldos son máis baixos que en 2007 e que a crise foi soportada sobre todo polas clases populares, a diferenza de Portugal ou Grecia, onde afectou máis ás clases medias.
O colectivo de hackers La 9 de Anonymous acusa o Concello da Coruña de non ter correctamente protexidos os datos privados dos veciños e veciñas. O grupo reivindicou o ataque que a web municipal sufriu hai uns días, que anticipara con mensaxes en twitter coma "estamos pensando en desafiuzarlle algo ao Concello da Coruña para que experimenten o que se sente ao entrar na súa casa", coa etiqueta #DespexoOfimatico.
O Consello Cidadán de Podemos descarta un apoio xeneralizado a todas as listas cidadás e decide estudalas unha a unha
La Vanguardia e La Voz de Galicia publican senllas enquisas sobre a necesidade dunha reforma da Constitución. Tres de cada catro cataláns queren cambiar o texto constitucional, o mesmo que Dous de cada tres galegos. En Galicia o apoio ao cambio é practicamente unánime entre aquelas persoas que non a votaron en referendo, é dicir, aquelas que teñen menos de 54 anos.
Interior poderá realizar escoitas sen permiso do xuíz en delitos graves. Até o de agora, esa facultade do Goberno limitábase a actuacións de terroristas ou bandas criminais.
Traballadores de Alcoa paran a saída dos camións de aluminio e hoxe manifestaranse na Coruña ante a ameaza de despido colectivo aos 400 traballadores da factoría, que hoxe pediron axuda a Feijóo para evitar as intencións da empresa. Foto de @traballadoAlcoa.