A xestora do PSdeG confirma a proposta de Leiceaga como voceiro parlamentario. O órgano provisional dos socialistas galegos prevé xuntanzas co grupo nos vindeiros días para "organizar o traballo por áreas no Parlamento durante os próximos catro anos", di nun comunicado.
O BNG insta a Xunta a "frear" calquera "operación especulativa" de Ferroatlántica coas centrais hidroeléctricas do Xallas. Avanzouno Ana Pontón nunha xuntanza co comité de empresa da compañía.
Os membros do grupo de En Marea recollen as súas actas no Parlamento e avanzan que as súas primeiras iniciativas serán de "loita contra a pobreza". A formación detallou tamén a distribución de áreas no grupo: ademais da portavocía, Villares asume o eido institucional e o de lingua.
O presunto líder da trama Zeta, Gerardo Crespo, comparecerá como investigado -antiga imputación- o vindeiro 12 de decembro na Coruña, segundo vén de confirmar o TSXG tras un cambio de datas. O caso investiga unha presunta fraude en cursos de formación da Xunta que, segundo a investigación, beneficiou tamén o PP.
Beade, O Porriño, Samos e Meira, entre os novos concellos denunciados por manter simboloxía franquista incumprindo a Lei de Memoria Histórica. Eldiario.es detalla a nova acción legal, que se une ás demandas que en 2015 xa antixiron a sete municipios e tres bispados en Galicia
A Asemblea Xeral da ONU nomea como o seu novo secretario xeral o portugués António Guterres. Hai uns días repasamos a súa relación con Galicia cando era primeiro ministro de Portugal.
O líder da trama Gürtel detalla entregas de cartos ao PP ao cambio de adxudicacións. Francisco Correa debullouno durante a súa declaración no xuízo do caso, que continúa esta tarde. Está a contalo eldiario.es
Oliver Laxe, Premio Cidade de Ourense do 21º OUFF. O festival, que comezará o vindeiro 28 de outubro, réndelle homenaxe ao realizador, recoñecendo o seu "labor de creación e espallamento do cinema galego fóra das nosas fronteiras".
Bob Dylan, premio Nobel de Literatura por "crear novas expresións poéticas" no marco da tradición musical americana.
Falece o actor, director e dramaturgo Dario Fo aos 90 anos. Foi Premio Nobel de Literatura en 1997.
